चन्द्र बस्नेत
७ भदौ, सुरुंगा । कनकाई नगरपालिका १ स्थित टिकाराम खड्काको घर पश्चिम वार्ड नं. २ को सुरुङ्गा पुल जोड्ने सडक स्तर उन्नतिपछि स्थानियबासी हर्षित भएका छन् ।
आर्थिक बर्ष २०७४।७५ को बजेटबाट गा.वि.स. मार्गको दुर्गापुर दानाबारी सडक अन्तरगत टिकाराम खड्काको घर पश्चिमबाट सुरुङ्गा पुल जोड्ने १ हजार ९ सय ७५ मिटर (करिब २ किलोमिटर) सडक स्तर उन्नती गरिएको हो ।
सो सडको स्तर उन्नती गर्न कनकाई नगरपालिकाबाट पहिले १० लाख पुनः अपुग रकम ३लाख ३६ हजार नगरपालिका र बाँकी श्रमदान गरी रु. १३ लाख ५० हजार भन्दा माथिको लगानीमा सम्पन्न गरिएको बताउँछन् बाटो निर्माण समितिका अध्यक्ष दिपेश रिमाल ।
वाटोको दुवै तर्फ ३–३ फिटको नाली सहित ४६ फिटको बाटो निर्माण गरी यति ठुलो बजेटको काम नगरकै पहिलो भएको दाबी गर्छन्, रिमाल ।
२०७४ फाल्गुन २६ गते नगरपालिकासँगको सम्झौता पछि सुरु गरिएको काम २ महिना भित्रमा मात्र सफलता पुर्वक सम्पन्न गरिएको बताउनु हुन्छ निर्माण समितिका सचिव हेमसिंह श्रेष्ठ ।
यस सडकलाइ निर्माणपछि ४ सय देखि ५ सय सम्म घर परिवार लाभान्वित हुने र सोही बाटोको छेउछाउमा जग्गाको भाउ राम्रो हुने साथै स्थानिय बासीले सहयोग पाएकाले खुशि व्यक्त गर्नु हुन्छ वार्ड नं. १ का अध्यक्ष रोशनराज पोखरेल ।
बाटो निर्माण गर्नका लागी दिपेश रिमालको अध्यक्षतामा ९ सदस्यीय निर्माण समिति गठन गरि सचिव हेमसिंह श्रेष्ठ, कोषाध्यक्ष भीमकुमारी श्रेष्ठ र सदस्यहरुमा कृष्णबहादुर बराल, डम्बर भट्टराई, शान्तिराम ढकाल, गुरुभक्त दंगाल, रामकृष्ण नेपाल र भुमा श्रेष्ठ रहेको समितिले सम्पन्न गरेको बाटोमा बिगतका बर्षायाममा भएका खाल्डा खुल्डी र जमेको पानीमा हिँडेका उपभोक्ताहरु अहिले धेरै सहज भएकोमा खुशि ब्यक्त गर्नुहुन्छ स्थानिय चण्डिका नेपाल ।
स्थानिय उपभोक्ता सर्मिला लिम्वुले यो बाटो स्तर उन्नती गर्नमा पटक पटक अनुगमन गरेर सफल पार्नमा ठुलो सहयोग गर्नुभएकोमा कनकाई नगर प्रमुख राजेन्द्र कुमार पोखरेल, वार्ड अध्यक्ष रोसन राज पोखरेल र निर्माण समितिलाई धन्यवाद दिदैँ आगामी बर्षमा उक्त सडक कालो पत्रे गर्नमा पनि यस्तै सहयोग गर्न उहाँले आग्रह गर्नुभएको छ ।
बाटो सम्पन्न गर्नुमा स्थानियबाट केहि असहयोग भएपनि नगर प्रमुख तथा वडाअध्यक्ष लगायत अन्य जनप्रतिनिधीहरुको संयोजनपछि धेरै चाँडो काम सम्पन्न भएकोमा अन्ततः स्थानियवासीले खुशी व्यतm गरेका छन् ।
प्रत्यक्ष रुपमा उपभोक्ताबाट र निर्माण समिति र जनप्रतिनिधिको निगरानिमा सम्पन्न भएकाले गुणस्तरिय भएको सबै पक्ष बाट स्वीकार गरिएको वताइएको छ ।
