सुरुङ्गा \ कनकाई नगरको वडा नं.७ स्थित काभ्रावोटे गाउँमा हरिवोधनी एकादशीको अवसर पारेर सोमवार एक विशेष कार्यक्रमका विच जेष्ठ नागरीक चौतारीको उद्घाटन गरिएको छ । समाजका जेष्ठ नागरीकहरु भेला भएर एकआपसमा मनका भावनाहरु पोख्ने साझा चौतारीका रुपमा विकास गर्ने उद्येश्यका साथ निर्माण गरीएको पुरानो चौतारी पुनः निर्माणपछि विधिवत रुपमा उद्घाटन गरीएको वताइएको छ । जेष्ठ नागरीक चौतारी उद्घाटनको अवसरमा स्थानीय १७ जना जेष्ठ मातापिताहरुलाई सम्मान गरीएको छ ।
यसरी सम्मानित हुनेहरुमा ७० वर्ष माथिका स्थानीय जेष्ठ अभिभावकहरु वेदनिधि सिटौला, दुर्गाप्रसाद निरौला, नन्दप्रसाद थपलिया, भानुभक्त उप्रेती, टिकाराम निरौला, पवित्रा उप्रेती, हस्तकुमारी राई, टिकामाया तामाङ्, गंगामाया लिम्वू, दिलवहादुर याक्खा लिम्वू, पूर्णवहादुर कुमाल, नरमाया भुजेल, नरमाया उप्रेती, हिमादेवी भण्डारी, नैनकला भुजेल, सुकमाया तामाङ् र घनश्याम पनेरु रहेका छन् । चौतारी उद्घाटन तथा जेष्ठ नागरीक सम्मान कार्यक्रमकी प्रमुख अतिथी कनकाई नगरकी उपप्रमुख मन्जु प्रसाईँ, विशिष्ट अतिथी जेष्ठ नागरीक संघ कनकाई नगरका अध्यक्ष पुण्यप्रसाद वाराकोटी, कनकाई नगर वडा नं. ७ का वडा अध्यक्ष लिलावहादुर कन्दङ्वा लगायतले सम्मानीत व्यक्तित्वहरुलाई खादा ओढाएर फलफूल वितरण गरी सम्मान गरेका थिए ।
चौतारी निर्माण समितिका अध्यक्ष प्रेमप्रसाद उप्रेतीको सभापतित्वमा सम्पन्न कार्यक्रममा निर्माण समितिका सचिव संचारकर्मी रामप्रसाद निरौलाले करीव १ लाख ५० हजारको लागतमा चौतारीको निर्माण कार्य सम्पन्न भएको वताएका छन् । चौतारी निर्माणमा लागेको खर्चको आय व्यय विवरण प्रस्तुत गर्दै सचिव निरौलाले निर्माण कार्यका लागि कनकाई नगरपालिकावाट ९८ हजार ५ सय मात्र प्राप्त भएकाले अपुग रकम नगरवाटै उपलव्ध हुने विश्वास रहेको वताएका छन् । जेष्ठ नागरीक संघ कनकाई नगरकी सहसचिव सीता ओलीले स्वागत गरेको कार्यक्रममा सम्मानित जेष्ठ नागरीक टिकाराम निरौलाले स्वस्तीवाचन गरेका थिए ।
कञ्चनजंघा एफ एमका कार्यक्रम प्रस्तोता पिनाके कोइरालाको हजुरआमाको भूमिकामा सन्देशमूलक प्रस्तुती रहेको कार्यक्रममा जेष्ठ नागरीक संघ कनकाई नगरका अध्यक्ष पुण्यप्रसाद वाराकोटी, वडा नं.७ का वडाअध्यक्ष लिलावहादुर कन्दङवा, जेष्ठ नागरीक संघ कनकाईका सचिव शम्भु पोखरेल, संघका वडा अध्यक्ष धनराज खड्का, समाजसेवी यादव उप्रेती लगायतले मन्तव्य राखेका थिए । कार्यक्रमको संचालन संचारकर्मी रामप्रसाद निरौलाले गरेका थिए ।
