कनकाई \ कनकाई नगरपालिकास्थित सुरुङ्गामा कनकाई छठ सेवा समाजले स्थानीय क्रियाशिल ४० वटा संघसंस्थाहरुको सहकार्यका विच छठपुजा विशेष कार्यक्रम सम्पन्न गरेको छ । कनकाई छठसेवा समाजका अध्यक्ष पवन शाहको अध्यक्षता एवम् प्रदेश नं.१ का प्रमुख डा.गोविन्द सुव्वाको प्रमुख आतिथ्यमा मंगलवार पवित्र कनकाई माईको पुर्वी किनारमा अस्ताउँदो सुर्यलाई अर्घ दिने कार्यको स्वागतका लागि भएको एक विशेष कार्यक्रममा रात्रीकालीन सांगितीक कार्यक्रम समेत प्रस्तुत गरीएको थियो ।
राष्ट्रिय कलाकारहरु शिवशंकर रिजाल(जोगेन्द्र पानवाला) सुरेन्द्र केसी (मुलाको साग) गायक प्रेम आङ्दम्वे, प्रज्ञा प्रधान र चर्चित कार्यक्रम प्रस्तोता एवम् फिल्म निर्माता राजेश घतानी सहित स्थानीय कलाकार माधव भेट्वालको संयोजनमा विशेष सांगितीक कार्यक्रम प्रस्तुत भएको थियो ।कार्यक्रमकै अवसरमा संस्थाको स्थापनाकालदेखी नै सल्लाहकारका रुपमा रहेर संस्थालाई पुर्याएको योगदानको उच्च मुल्यांकन गर्दै कनकाई ३ सुरुङ्गा निवासी शुभम मेडिसिन सेन्टर एवम् शंकर होटलका संचालक समेत रहेका ६८ वर्षिया विश्वनाथ शाहलाई सम्मानपत्रका साथ दोसल्ला ओढाएर विशेष सम्मान गरीएको वताइएको छ ।
छठपुजाका लागि कनकाई माइको पुर्वी किनारमा ७० वटा घाट निर्माण भएको थियो भने प्रत्येक घाटको सुरक्षाका लागि एक एक जना स्वयंसेवकको व्यवस्था गरीएको थियो । सुरक्षा व्यवस्थालाई मजवुत वनाउँनका लागि नेपाल प्रहरी र ट्राफिक प्रहरी परिचालन गरीएको आयोजक समितिका संस्थापक अध्यक्ष उपेन्द्र प्रधानले वताएका छन् ।सामाजिक क्षेत्रमा समेत क्रियाशिल रहेको कनकाई छठ समितिले छठ पर्वलाई सवै जातजातीहरुको साझा पर्वका रुपमा पहिचान दिने उद्येश्यले व्यवस्थापन गरेको छठपुजा कार्यक्रमको प्रमुख अतिथी प्रदेश प्रमुख डा. गोविन्द सुव्वा, विशिष्ट अतिथी प्रदेश सभा सदस्यद्वय हीरा थापा र झलकसिंह दर्लामी, कनकाई नगरप्रमुख राजेन्द्र पोखरेल, नेपाली कांग्रेसका नेता देउकुमार थेवे लगायत सहभागीहरुले प्रशंसा गरेका छन् ।
संस्थाका सचिव दिपेन्द्र प्रधानले संचालन गरेको औपचारीक कार्यक्रममा कार्यक्रम संयोजक संस्थाका महासचिव खगेन्द्र महतोले कार्यक्रमको औचित्यमाथि प्रकाश पारेका थिए । संस्थाका वरिष्ठ उपाध्यक्ष शिवशंकर महासेठले स्वागत गरेको कार्यक्रममा कनकाई ३ का वडाअध्यक्ष रुद्रप्रसाद चिमरीया, संस्थाका सल्लाहकार जगतनारायण मण्डल, कनकाई उद्योग वाणिज्य संघका अध्यक्ष कुमारमणि पोखरेल, महिला नेतृ कविता वस्नेत लगायतले मन्तव्य राखेका थिए । विभिन्न धार्मिक तथा सामाजिक संघसंस्थाका प्रमुख एवम् प्रतिनिधी, उद्योगी व्यवसायीहरुको सहभागिता रहेको कार्यक्रममा रात्री कालिन साँगितीक कार्यक्रमको संचालन चर्चित कार्यक्रम प्रस्तोता एवम् फिल्म निर्माता राजेश घतानीले गरेका थिए ।
