Most Viewed

Categories

कनकाईमा थप एकजनामा कोरोना संक्रमण पुष्टी

कनकाई खबर /  झापाको कनकाईमा थप एकजनामा कोरोना पिसिआर रिपोर्ट पोजेटिभ आएको छ । यो रिपोर्टसँगै कनकाईमा चारजनाको कोरोना संक्रमण पोजेटिभ देखिएको हो । यस अघि कनकाई बहुमुखी क्याम्पसको क्वारेन्टिनमा रहेका तीनजनाको पिसिआर रिपोर्ट पोजेटिभ आएको थियो ।

   कनकाई नगरको दुर्गापुरस्थित दलित सामुदायिक भवनमा बस्दै आएका ८ जना मध्ये एकजना ३१ वर्षिय महिलाको कोरोना संक्रमण पोजेटिभ आएको नगर स्वास्थ्य प्रमुख ब्रजेश मेहेताले जानकारी दिएका छन् । कनकाई नगरपालिका वडा नं. ७ निबासी उनी कुबेतबाट काठमाण्डौ हुँदै केही दिन अघि मात्र दुर्गापुरस्थित सामुदायिक भवनमा रहेको क्वारेन्टिनमा बस्दै आएकी थिइन् । आज आइतवार ती महिलालाई धरान घोपास्थित आइसोलेशनमा पठाइएको कनकाई नगरपालिकाका स्वास्थ्य प्रमुख मेहेताले बताएका छन् ।

   नगरका विभिन्न क्वारेन्टिनमा रहेका साथै स्वास्थ्यकर्मी, कर्मचारीहरु गरी ६४ जनाको केही दिन अघि मात्र पिसिआर परिक्षणकालागि स्वाब संकलन गरिएको थियो । रिपोर्ट नेगेटिभ आएका अन्य सबैलाई बिदा गरिए पनि दुर्गापुरस्थित दलित सामुदायिक भवनमा रहेका अरु ७ जनालाई पुनः पिसिआर परिक्षण गरेर मात्र बिदा गर्ने भन्दै क्वारेन्टिनमै राखिएको बताइएको छ ।

   हाल कनकाई नगरको घैलाडुवास्थित आदर्श माध्यमिक विद्यालयको क्वारेन्टिनमा ३१ जना, कनकाई उद्योग वाणिज्य संघमा ७ जना, दलित सामुदायिक भवनमा ७ जना र भृकुटी माविमा रहेको क्वारेन्टिनमा २ जना गरी ४७ जना बस्दै आएको कनकाई नगरपालिकाका क्वारेन्टिन फोकल पर्सन लक्ष्मी अधिकारीले जानकारी दिएका छन् ।

Facebook Comments

    Leave Your Comment

    Your email address will not be published.*

    Forgot Password