बिर्तामोड । नेपाल पत्रकार महासंघका संस्थापक महासचिव एवं कन्चनजंघा एफएमका प्रबन्ध निर्देशक, अग्रज झापाली पत्रकार चन्द्रभण्डारीलाई अस्पताल भर्ना गरिएको छ ।
टाउकोमा समस्या देखिएपछि उनलाई आज साँझ बिर्ता सिटी हस्पिटल बिर्तामोडमा भर्ना गरिएको हो । उनको टाउकोमा रगत जमेको कुरा चिकित्सकले बताएको नेपाल रेडक्रस सोसाइटी झापाका सभापति लोकराज ढकालले बताए । भण्डारीको राति ८ बजेदेखि टाउकोको शल्यक्रिया शुरु भएको जनाइएको छ ।
शल्यक्रियाका लागि रगत चाहिएको र रगत दिन भण्डारीका भतिजा नेपाली कांग्रेसका प्रवक्ता बिश्वप्रकाश शर्मा अस्पताल पुगेको ढकालले बताए ।
कमेन्टस्
