सुरुङ्गा \ कनकाई नगरपालिका ३ सुरुङ्गास्थित दिपक मैनालीको घरमा आगो लागी भएको छ । सुरुङ्गा वजारवाट एक किलो मिटर दक्षिण टप्पुस्थित मैनालीको घरमा शनिवार दिउँसो आगो लागी भएको हो ।
झापारोडसँगै जोडीएको मैनालीको दुई तले पक्की घरको छतमा दिउँसो दुई वजेको समयमा वाटो हिँड्दै गरेका मानिसले आगो हुर्हुरी वलेको देखेपछि आत्तिएर हारगुहार गरेका थिए ।
हल्ला सुन्ने वित्तिक्कै वरपर रहेका गाउँलेहरु साथै वाटो हिंड्दै गरेका मानिसहरु समेत भेला भएर आगो निभाउँन थालेपछि मात्र घरभित्र भएका मानिसहरुले थाहा पाएका थिए । मैनालीको परिवार केही वर्ष यता विर्तामोडमा वस्दै आएका कारण सुरुङ्गा स्थित आफ्नो घर भाडामा लगाएको दिपक मैनाली वताउँछन् ।
हाल चारवटा परिवार मैनालीको घरमा भाडामा वस्दै आएका छन् । तिहारका कारण दुईवटा परिवार आफन्तकोमा गए पनि आगो लागी भएको समयमा अन्य दुई परिवार भने घरभित्रै रहेको सोही घरमा वस्दै आएकी अनिता विकले वताइन् ।
खाना खाइसकेपछि दिउँसोको समयमा विदेशमा रहेका आफ्ना श्रीमानसँग फोनमा गफ् गर्दै गरेकी अनिताले सुरुमा वाहिरको होहल्लालाई सामान्य सम्झेर ख्याल नगरीकन मोवाइल फोनमै ध्यान केन्द्रित भएको वताउँछिन् । वाहिरवाट मानिसहरु चिच्याएको जस्तो ठूलो आवाज आएपछि मात्र अनिता ढोका खोलेर वाहिर आएको वताउँछिन् । छतमा भएको माटाको चुल्होमा कहिलेकाहीँ आगो वाल्ने गरेको भएपनि त्यसलाई राम्ररी व्यवस्थापन गर्ने गरेकोले आगो के कारणले लागेको हो भन्ने कुरा आँफूलाई समेत केही पत्तो नभएको अनिताको भनाइ छ ।
घरको छतमा सखुवा र सिसौ जातका करीव ७ किवी वटम र केही दाउरा राखिएको घरमुली मैनाली वताउँछन् । छतमा भएको ढोकाको पल्ला, लाइनको तार साथै काठ, दाउरा लगायतको अहिलेको मुल्य अनुसार करीव ५० हजार सम्मको सामग्री जलेर नष्ट भएको भएपनि कुनै मानविय क्षति भने नभएको मैनालीले वताएका छन् ।
आगो नियन्त्रणका लागि गाउँलेहरु घर भित्र पस्न खोज्दा घरको मूल चेन गेट लगाएका कारण नजिकैका छिमेकी इन्द्र पकुवालको घरवाट सोही घरको छतमा चढेर गाउँलेहरु साथै इलाका प्रहरी कार्यालय सुरुङ्गाका प्रहरी सहितको सहयोगमा आगो नियन्त्रणमा आएको स्थानीय लिलाप्रसाद भेट्वाल वताउँछन् । घरको छतमा रहेको ट्याङ्कीको पानी प्रयोग गरेर आगो नियन्त्रणमा ल्याउँन सहज भएको भेट्वालको भनाइ छ ।
नगर क्षेत्रको पुर्वाधार विकास साथै वाटो सडक निर्माणमा तल्लीन देखिएको स्थानीय सरकारले नगरपालिकामा दमकल जस्तो अतिआवश्यक्ताको चिजलाई समयमा व्यवस्थापन गर्न नसक्नु ठूलो कमजोरी भएको भन्दै समयको माग अनुसार नगरवासीको भावना वुझ्न कनकाई नगरपालिकाका प्रमुख राजेन्द्र पोखरेललाई स्थानीयवासीले जोड्दार माग गरेका छन् ।
सुरुङ्गामा मैनालीको घरमा लागेको आगो नियन्त्रणका लागि मेचीनगरको दमकल एक घण्टा पछि मात्र घटनास्थलमा आइपुगेको थियो । जुन समयमा गाउँलेहरुको प्रयासवाट आगो नियन्त्रणमा आइसकेको स्थानीय नन्दकिशोर कारक वताउँछन् । आगो अनियन्त्रीत भई गाउँलेहरुको नियन्त्रण वाहिर गएको भए मेचीनगरको दमकल आउँदा सम्ममा स्थानीयवासीले धेरै ठूलो क्षती वेहोर्नु पर्ने कारकको वुझाई छ । अन्य सवै काम कुरालाई थाँती राखेर स्थानीय स्तरमा कम्तीमा एउटा दमकल जति सक्दो चाँडो व्यवस्थापन गर्नु पर्नेमा कारकले जोड दिएका छन् ।
