Header Ad Header Ad

Most Viewed

Categories

कनकाईका क्वारेन्टिनमा महिला च्याम्बरको डसना सहयोग (भिडियो सहित)

कनकाई खबर डेक्स / नेपाल महिला च्याम्बर कनकाई नगर समितिले क्वारेन्टिनबासीलाई सहयोग गर्ने उद्येश्यका साथ स्थानीय सरकार कनकाई नगरपालिकाले व्यवस्थापन गरेको क्वारेन्टिनकालागि ५० थान डसना सहयोग गरेको छ । स्थानीय सरकारलाई सहयोग गर्ने उद्येश्यले कनकाई नगर क्षेत्रको सामाजिक गतिविधीमा क्रियाशिल महिलाहरुको संस्था कनकाई महिला च्याम्बरले कनकाई नगरपालिकालाई डसना हस्तान्तरण गरेको हो ।

   केही दिन अघि चम्पापुर माविलाई क्वारेन्टिनका रुपमा संचालनमा ल्याएसँगै महिला च्याम्बरले कनकाई नगरपालिकाकी उपप्रमुख मन्जु प्रसाईँलाई डसना हस्तान्तरण गरेका हुन् । महिला च्याम्बर कनकाई नगरकी अध्यक्ष खीनमाया खतिवडा साथै अन्य पदाधिकारीहरु अनिता मैनाली, शान्ता अधिकारी झा, सीता ओलीसहित कनकाई ६ का वडाअध्यक्ष लक्ष्मी ओली लगायत अन्य जनप्रतिनिधीको उपस्थितीमा स्थानीय सरकारलाई महिला च्याम्बरले डसना हस्तान्तरण गरेका हुन् ।

    कोरोनाको कहरसँगै भारत लगायत देशका विभिन्न स्थानबाट आउँने नगरबासीलाई स्थानीय सरकारले नगर क्षेत्रका विभिन्न ठाउँमा व्यवस्था गरेको क्वारेन्टिनमा बस्न सहज होस् भन्ने उद्येश्यले डसना वितरण गरेको महिला च्याम्बर कनकाईकी अध्यक्ष खीनमाया खतिवडाले बताएकी छन् । विभिन्न ठाउँवाट आएका मानिसहरुलाई कम्तिमा दुईदेखि तीन हप्तासम्म नगरका विभिन्न क्वारेन्टिनमा राखेर स्वास्थ्य परिक्षण गरेपछि मात्र नगरपालिकाको अनुरोधमा हाल उनीहरु होम क्वारेन्टिनमा बस्दै आएको बताइएको छ ।

Facebook Comments Box