कनकाई खबर । झापाको पुरानो सदरमुकाम झापा गाउँपालिकामा एक जना कोरोना संक्रमित भेटिएकै दिन भारतबाट ८७ जना मानिसलाई नेपाल प्रवेश गराइएको छ ।
विभिन्न स्थानीय तहमा पठाउने गरी सीमामा अड्किएका उनीहरुलाई उद्धार गरी नेपाल प्रवेश गराइएको हो ।
गाउँपालिकाका प्रमुख प्रशासकीय अधिकृत जीवन निरौलाका अनुसार संक्रमित व्यक्ति झापा गाउँपालिकाकै हुन् । अन्य स्थानीय तहका व्यक्तिलाई सम्बन्धित स्थानीय तहले नै लगेका छन् र त्यहीँ क्वारेन्टाइनमा राखिएका छन् ।
संक्रमित व्यक्ति ४ जेठमा सीमामा आइपुगेका थिए । बम्बईबाट उनीसहित तीन जनाको टोली सीमामा आएका थिए । त्यहाँबाट उनीहरुलाई सिधै क्वारेन्टाइनमा राखिएको थियो । तीनै जनाको कोरोना परीक्षण गरिए पनि एक जना मात्र कोरोना पोजेटिभ देखिएको हो ।
हाल क्वारेन्टाइनमा २२ जना व्यक्ति रहेको गाउँपालिकाका प्रमुख प्रशासकीय अधिकृत निरौलाले बताए ।
