राम निरौला,
गौरादह / झापाको गौरादह नगरपालिकामा नगरबासीबाट लकडाउन पूर्ण रुपमा पालना भएको भन्दै नगर प्रमुख रोहितकुमार शाहले नगरवासीप्रति खुशी व्यक्त गरेका छन् ।
कोरोना भाइरसको रोकथाम तथा नियन्त्रणकालागि सरकारले गरेको लकडाउन थप हुँदै गएको वर्तमान अवस्थामा आँफूले गरेको अनुगमनका क्रममा नगरवासीवाट लकडाउनको पूर्ण रुपमा पालना भएको जानकारी प्राप्त भएपछि नगर प्रमुख शाहले नगरवासीप्रति खुशी व्यक्त गरेका हुन् । कोरोना भाइरसको संक्रमणवाट बच्नकालागि सुरुमै नगरपालिकाले विभिन्न चरणमा सचेतना अभियान संचालन गरेका कारण नगरबासीहरुले घरमै बसेर लकडाउनको पूर्ण रुपमा पालना गर्दै आएको नगर प्रमुख शाहको बुझाई रहेको छ ।
यसै सन्दर्भमा नगर प्रमुख शाहसँग नगरभित्र लकडाउनको अवस्था के कस्तो छ ? यो समयलाई नगरवासीले कसरी सदुपयोग गर्दैछन् भन्ने विषयमा राखिएको जिज्ञासामा नगर प्रमुख रोहितकुमार शाह :
झापाको क्षेत्र नम्बर ५ अन्तर्गत दमक नगरपालिका र गौरीगञ्जको मध्यभागमा रहेको यो नगरपालिका १ सय ४९ .८६ वर्ग कि.मि. क्षेत्रफलमा फैलिएको छ । महारानीझोडा, जुरोपानी, कोहवरा, बैगुनधुरा र साबिकको गौरादह गरी ५ वटा गाउँ विकास समिति समेटिएको गौरादह नगरपालिकामा ९ वटा वडा रहेका छन् । ६० हजार बढी जनसंख्या रहेको यस नगरपालिकामा बर्तमान कोरोना महामारीको संकटमा ६ हजार ४ सय ४४ जनालाई दोस्रो चरणको राहत वितरण गरी सकेको गौरादह नगरपालिकाका प्रमुख शाहले बताएका छन् ।
एकद्वार प्रणाली अनुरुप नगरपालिकाको तर्फवाट दुई चरणमा वितरण गरिएको राहत सामाग्रीको पहिलो चरणमा दैनिक ज्यालादारी मजदुरलाई प्राथमिक्तामा राखिएको बताइएको छ । दोस्रो चरणमा भने सबै वडाका टोल टोलवाट छनौट भएर आएका विपन्न परिवारलाई राहत सामाग्री वितरण गरिएको नगर प्रमुख शाहले जानकारी दिएका छन् ।
बिपन्न वर्गकालागि गौरादह नगरपालिका क्षेत्रमा खाद्य सामाग्रीको व्यवस्थापन साथै वितरण प्रणाली के कस्तो छ त ? भन्ने जिज्ञासामा नगर प्रमुख शाह :
गौरादह नगर क्षेत्रमा स्वास्थ्य उपचारकालागि नगरको स्वास्थ्य शाखाको समन्वयमा एउटा स्वास्थ्य मोबायल टोली परिचालन गरिएको बताइएको छ ।
जसले नगर क्षेत्रमा बिरामीको जानकारी पाउँनासाथ सम्बन्धित विरामीको घरैमा गएर स्वास्थ्य परिक्षण गर्ने गरेको साथै आवश्यक परेमा स्वास्थ्य अस्पताल पठाउँने गरेको छ ।
कोरोना संक्रमितहरुकालागि प्रारम्भिक चरणमा गौरादह नगरको वडा नं.३ स्थित सामुदायिक भवनमा १० बेडको क्वारिन्टाइन व्यवस्थापन गरेको भएपनि हाल वडा नं.७ जुरोपानीस्थित स्वास्थ्यचौकीको नवनिर्मित भवनलाई २० बेडको क्वारिन्टाइनका रुपमा स्थापना गरिएको गौरादह नगरपालिकाका प्रमुख प्रशासकीय अधिकृत खेमराज ओझाले बताएका छन् । आवश्यक परेमा स्थानीय स्तरका शैक्षिक संस्थाहरुलाई समेत क्वारिन्टाइनका रुपमा प्रयोग गर्न सकिने प्रमुख प्रशासकीय अधिकृत ओझाले जानकारी दिएका छन् ।
