कनकाई खबर \ नेपाल औषधि व्यावसायी संघ मेची र भद्रपुरका कैलाश सरियाले पत्रकार महासंघ झापा लगायतका संघ संस्थालाई स्वास्थ्य सामग्री हस्तान्तरण गरेका छन् ।
औषधि व्यावसायी संघका उपाध्यक्ष सूरेन्द्र प्रधान, महासचिव वासु दुलाल र डा. एस के झाले नेपाल पत्रकार महासंघ झापा शाखालाई स्वास्थ्य सामग्री हस्तान्तरण गरेका हुन् । सर्जिकल मास्क र सेनेटाइजर तीन तीन प्याकेट र दुई प्याकेट ग्लोब्स पत्रकार महासंघ झापाका अध्यक्ष तारामणि सापकोटालाई विर्तामोडमा हस्तानतरण गरेका थिए ।
य सैगरी भद्रपुरका कैलाश सरियाले कपडाको तीन सय थान मास्क पत्रकारका लागि सहयोग गरेका छन् । उनले भद्रपुर नगरपालिकालाई ४ हजार ५ सय थाल, जिल्ला प्रहरी कार्यालय झापालाई १ हजार ४ सय, सशस्त्र प्रहरी र जिल्ला प्रशासन कार्यालय झापालाई एक एक हजार र जिल्ला कारागारलाई एक हजार दुई सय र लगायतका संघ संस्था र कार्यालयलाई ५ हजार ९ सय थान मास्क हस्तान्तरण गरेका छन् । उनले भद्रपुर नगरपालिकामा मास्क हस्तानतरण गरेका हुन् ।
