कनकाई खबर / कोरोना महामारीका कारण मुलुकभरी नै लकडाउन भएको वर्तमान अवस्थामा कनकाई नगरपालिकाले आफ्ना नागरिकलाई सहयोग गर्न बनाएको कोरोना राहत कोषमा समाजसेवी ख्याम ओली र उनका भाइ तेज ओलीले २५हजार ५सयका दरले ५१ हजार रुपैँया सहयोग गरेका छन् ।
दाता ख्याम ओली होटल डिालाइटका संचालक, कनकाई सामुदायिक वन समूहका अध्यक्ष लगायत विभिन्न सामाजिक संघसंस्थाहरुमा नेतृत्व तहमा रहेर काम गर्दै आएका एक सफल व्यवसायी हुन् भने उनका भाइ तेज ओली वैदेशिक रोजगारीको शिलशिलामा हाल अष्टे«लियामा छन् । विदेशमै रहेका तेज ओलीले यहि चैत महिनाको २६ गतेका दिन आफ्नो जन्मदिन समेत परेको हुँदा जन्म दिन मनाउँनकालागि आवश्यक पर्ने फजुल खर्चलाई कटाएर अति बिपन्न परिवारलाई थोरै भएपनि राहत सामाग्री उपलव्ध गराउँने उद्येश्यले स्थानीय सरकार कनकाई नगरपालिकाले स्थापना गरेको विपत कोषमा जम्मा हुने गरी आर्थिक सहयोग गरेको जानकारी दिएका छन् ।
स्थानीय सरकारका रुपमा रहेको कनकाई नगरपालिकाले नगरका सवै वडा र टोलमा रहेका अतिविपन्न परिवारको सुक्ष्म रुपमा अध्ययन गरी एक द्वार प्रणालीका आधारमा खाद्य सामाग्री वितरण गर्ने निती लिएपछि दाताहरुले नगरपालिकाको मातहतमा रहेर नगद तथा जिन्सी सहयोग गर्दै आएको वताइएको छ । विश्वव्यापी महामारीको रुपमा फैलिएको कोरोना भाइरसको न्युनिकरणकालागि सरकारले गरेको लकडाउनको अवधि थप भएपछि दैनिक ज्यालादारी मजदुर साथै अति विपन्न परिवारलाई विहान बेलुकाको छाक टार्न नै समस्या हुने अवस्था आएपछि जन्म दिनको समेत अवसर पारेर आफ्नै गाउँघरमा रहेका विपन्न परिवारकालागि खाद्य सामाग्री साथै औषधि उपचारको समेत व्यवस्थापनमा सहज होस् भनेर स्थानीय सरकार मार्फत सहयोग गरेको ओलीले बताएका छन् ।
आवश्यक परेमा आगामी दिनमा समेत थप सहयोग गर्दै जाने उनले कनकाई खबरलाई जानकारी दिएका छन् । व्यवसाय होस् या सामाजिक क्षेत्र, आफ्नो छुट्टै पहिचान बनाएका ख्याम ओली साथै लामो समयदेखि वैदेशिक रोजगारीका क्रममा अष्ट्रेलियामा रहेका तेज ओलीले यस अघि पनि विभिन्न समयमा आएका प्राकृतिक विपत्तीमा समेत आफ्नो नेपाली भूमिमा महत्वपूर्ण सहयोग गर्दै आएको वताइएको छ । सहयोग रकमको चेक ग्रहण गर्दै कनकाई नगरका प्रमुख राजेन्द्र पोखरेलले विपतको यो घडीमा दातावाट विपन्न परिवारकालागि भएको सहयोग ज्यादै महत्वपूर्ण भएको भन्दै स्थानीय सरकारका तर्फवाट दाता परिवारको पवित्र कार्यको प्रशंसा गरेका छन् । नगर प्रमुख पोखरेलले विश्वभरी नै कोरोनाको महामारी फैलिएको वर्तमान अवस्थामा नेपालमा यसको न्युनिकरणकालागि सरकारले जारी गरेको निर्देशन विनाशर्त पालना गर्न सम्पूर्ण नगरवासीहरुलाई अनुरोध समेत गरेका छन् ।
