कनकाई \ प्रजापति सामुदायिक वन उपभोक्ता समूहको आयोजनामा जारी झापा जिल्ला सामुदायिक वन स्तरीय नकआउट फुटवल प्रतियोगिताको दोस्रो दिन आइतवारको पहिलो खेल बहु वन सामुदायिक वन मेचीनगर र शान्ती सामुदायिक वन अर्जुनधारा विच भएकोमा वहुवनका तर्फवाट २—0 गोल अन्तरले शान्ती सामुदायिक वनलाई पाखा लगाएको छ ।
विजेता बहुवनका तर्फवाट दिपेश मगर र सुरज सुनुवारले १\१ गोल लगाएका थिए भने खेलको म्यान अफद म्याच शान्ती वनका बचन लिम्वू घोषित भएका छन् । त्यसैगरी दोस्रो खेल देउराली चारकोशे सामुदायिक वन घेरावारी र कालिका सामुदायिक वन मेची नगरका विच भएकोमा देउरालीका तर्फवाट ३—० को फराकिलो अन्तरले कालीका वनलाई पाखा लगाएको छ ।
देउरालीका तर्फवाट सुमन लिम्वू, मनिष सेर्पा र विज्ञान लिम्वूले गोल गरेका थिए । खेलको म्यान अफ द म्याच देउरालीका फूलकुमार राजवंशी घोषीत भएको आयोजक समितिका अध्यक्ष सूर्यकुमार थापाले वताएका छन् ।
सोमवारको खेल पाथिभारा सामुदायिक वन कचनकवल र चन्द्रगडी सामुदायिक वन विचमा पहिलो खेल हुने छ भने दोस्रो खेल हलुवागढ सामुदायिक वन अर्जुनधारा र सुन्दर निचाझोडा सामुदायिक वन विर्तामोड विच हुने आयोजक समितिका सदस्य डम्वर घिमिरेले वताएका छन् ।
कनकाई नगरपालिकाको वडा नं. १ स्थित वन क्षेत्रको आफ्नै खेल मैदानमा शनिवारदेखी संचालन भएको प्रतियोगितामा झापा जिल्लाका २६ वटा सामुदायिक वनहरुको सहभागिता रहेको जनाइएको छ । असोज ३० गते सम्म संचालन हुने प्रतियोगिताको प्रथम हुने टिमलाई १ लाख ११ हजार १ सय ११, दोस्रो हुनेलाई ७५ हजार ५ सय ५५ र तेस्रो हुने टिमलाई ४१ हजार १ सय ११ नगद, प्रमाण पत्र र ट्रफी प्रदान गरीने समितिका सदस्य घिमिरेले वताएका छन् । प्रतियोगितामा एन्फाका रेफ्री सन्तोष चौधरी खेलको मुख्य रेफ्रीका रुपमा रहेका छन् भने सहायक रेफ्रीहरु युवराज गिरी र नरेश लिम्वूले खेल संचालन गरीरहेको वताइएको छ ।
