विरेन्द्र न्यौपाने
चन्द्रगडी \ देशव्यापी रुपमा महिला तथा बालबालिकाहरु माथि हिंसा र बलत्कारका घट्नाहरु दिनप्रतिदिन बढ्दै गइरहेको भन्दै अन्तर पार्टी महिला सञ्जालले सोमवार देश व्यापी रुपमा जिल्ला प्रशासन कार्यालय मार्फत प्रधानमन्त्रीको कार्यालयलाई ज्ञापन पत्र बुझाएका छन् ।
यसै बीच संञ्जालले झापाका प्रमुख जिल्ला अधिकारी मार्फत पनि प्रधामन्त्रीको कार्यालय सिंहदरबारलाई ज्ञापन पत्र बुझाएको छ ।
जिल्लाप्रशासन कार्यालय झापा पुगेका सञ्जाल पदाधिकारीहरु क्रमशः कमला उप्रेती ,आदिवासी जनजाी महिला महासंघ जिल्ला सदस्य शान्ता श्रेष्ठ, लक्ष्मी न्यौपाने सरु ,उषा राजवंशी लगाएतको टोलीले प्रमुख जिल्ला अधिकारी जनकराज दहाल मार्फत प्रधानमन्त्रीको कार्यालयलाई ज्ञापन पत्र बुझाएको हो ।
ज्ञापन पत्र बुझ्दै प्रमुख जिल्ला अधिकारी दहालले यस्ता घटना रोक्न प्रशासन प्रतिवद्ध भएको बताउदै सबैको सहयोगमा अपराधीलाई कारवाहि गरिने बताएका छन् ।
