सुरुङ्गा \ झापाको सुरुङ्गामा जारी प्रथम टिभिएस अन्तर प्रदेश टि – ट्वान्टी क्रिकेट प्रतियोगितामा बर्षाले खेल विथोलिदिँदा खुकुरी क्रिकेट एकाडेमी भैरहवालाई फाइदा पुगेको छ । सोमवारको जितसँगै भैरहवा सेमी फाइनलमा प्रवेश गरेको छ ।
बर्षाले विथोलिएको खेलमा २ ओभर बाँकी छँदै खेलको नियम अनुसार भैरहवाले उदयपुर क्रिकेट एकाडेमीलाई ३ रनले हराएको हो । पहिले टस जितेर ब्याटिङ् रोजेको उदयपुर क्रिकेट एकाडेमीले आफ्नो सबै विकेट गुमाउँदै ११० रनको मध्यम स्तरको रन जोडेको थियो । उदयपुरका लागि राष्ट्रिय टिमका सदस्य समेत रहिसकेका सोनु अन्सारीले सर्वाधिक ३२ रनको योगदान दिएका थिए । उदयपुरका अर्का ब्याटम्यान सहिदुला अन्सारीले २२ रन जोडेपनि बाँकी खेलाडीहरुले दोहोरो अंकको रन जोड्न सकेनन् ।
भैरहवाका तर्फबाट अजय लोनियाले सर्वाधिक ४ विकेट लिन सफल भए । लोनिया खेलको म्यान अफ द म्याच घोषित भए । उनले नगद २ हजार रुपैँया प्राप्त गरेका थिए । यसैगरि भैरहवाको तर्पmबाट रमेश कुर्मी र मनबहादुर थापाले समान २\२ विकेट लिएका थिए ।यता १११ रनको विजय लक्ष्य लिएर मैदानमा उत्रिएको भैरहवाले १८ ओभरमा ७ विकेटको क्षतिमा १०३ रन जोडेपछि बर्षाले खेल रोकिएको थियो । त्यसपछि खेल हुन नसक्दा भैरहवा खेलको नम्स अनुसार विजयी भएको हो ।
बर्षाले खेल रोकिनु अघि भैरहवाका खेलाडीहरु संदिप रसाइलीले ३८ तथा मिर्निल गुरुङ्गले ३२ रन जोडेका थिए भने उदयपुरका खेलाडी विधान गोश्वामीले ३ विकेट लिएका थिए । यो खेलसँगै प्रतियोगितकाको पहिलो चरणका खेलहरु सकिएका छन् । मंगलवार प्रतियोगिताको पहिलो सेमीफाइनल खेल आयोजक ह्वाइट वास क्रिकेट क्लव सुरुङ्गा र युथ क्रिकेट एकाडेमी राजविराज विच हुने आयोजक समितिका अध्यक्ष निशेष ओलीले बताएका छन् । कनकाई सचेत युवा क्लव र ह्वाइट वास क्रिकेट क्लवको संयुक्त आयोजनामा स्थानीय कनकाई माविको खेल मैदानमा भइरहेको क्रिकेट प्रतियोगिताको विजयी तथा उपविजयी हुने टिमले नगद ५१ हजार र ३१ हजार तथा ट्रफि पाउने छन् ।
