Most Viewed

Categories

बौद्धिक अपाङ्गका लागि बन्ने भो आवास गृह

कनकाई । झापाको कनकाई १ स्थित सुस्त मनस्थिति सरोकार समाज नेपालको भवन निर्माण कार्य थालिएको छ ।

केही वर्षदेखि कनकाई नगरपालिकाको कार्यालय नजिकै घर भाडामा लिएर बाौद्धिक अपाङ्गता भएका वालवालिकाको संरक्षण गर्दै आएको समाजले कनकाई १ मा आवास गृह निर्माणको शिलान्यास गरेको हो ।

स्थानीय समाजसेवी मातृकाप्रसाद सिटौलाले निःशुल्क उपलब्ध गराएको एक कठ्ठा जमीनमा भवन बन्न लागेको हो । करिब ७५ लाखको लागतमा निर्माण हुन लागेको दुई तले पक्की भवनका लागि १ नंं. प्रदेश सरकारवाट २० लाख रुपैंयाँ उपलव्ध हुने भएको निर्माण समितिका संयोजक भीष्मभूषण सिटौलाले बताए ।

अन्य रकम कनकाई नगरपालिका लगायत आसपासका स्थानीय तह साथै विभिन्न स्रोतवाट संकलन गरिने निर्माण समिति संयोजक सिटौलाले बताए ।

सुस्त मनस्थिति सरोकार समाजमा हाल कर्मचारीसहित १४ जना वालवालिकाहरुको संरक्षण गरिएको संस्थाकी अध्यक्ष भागिरथा चापागाईँ पोखरेलले बताएकी छन् ।

अध्यक्ष पोखरेलको सभापतित्वमा सम्पन्न शिलान्यास कार्यक्रममा प्रदेशसभा सदस्य हिराकुमार थापाले भवन शिलान्यास गरेका हुन् ।

निर्माण समितिका सचिव शम्भुप्रसाद पोखरेलले संचालन गरेको शिलान्यास कार्यक्रममा स्थानीय टिकाराम निरौलाले स्वस्ती वाचन गरेका थिए ।

कार्यक्रममा कनकाई नगरप्रमुख राजेन्द्र पोखरेल, उपप्रमुख मन्जु प्रसाईँ, कनकाई १ का वडाअध्यक्ष रोशन पोखरेल, वडा नं.७ का वडासदस्य प्रकाश शिवाकोटी, जग्गादाता मातृकाप्रसाद सिटौला, कनकाई बहुमुखी क्याम्पसका अध्यक्ष प्रकाश चुडाल, जेष्ठ नागरिक संघ कनकाई १ का अध्यक्ष तेजप्रसाद बराल, वडानं.७ का अध्यक्ष धनराज खड्का लगायतको उपस्थिति रहेको थियो ।

Facebook Comments

    Leave Your Comment

    Your email address will not be published.*

    Forgot Password

    Holler Box