सुरुङ्गा \ कनकाईनगरपालिका सुरुङ्गामा जारी प्रथम टिभिएस अन्तर प्रदेश टि ट्वान्टी क्रिकेट प्रतियोगितामा शनिवार भएको खेलमा वाइआरसिसि क्लव विराटनगर विजयी भएको छ ।
विराटनगरले विर्तामोडको युनाइटेड क्रिकेट क्लवलाई ८ विकेटको विशाल फरकले पराजित गरेको हो । प्रतियोगितामा पहिले टस जितेर विराटनगरले पहिलो फिल्डिङ्ग रोजेको थियो । विर्तामोडले निर्धारित २० ओभरमा ८१ रन जोडेको थियो । विर्तामोडका लागि बसन्त कार्कीले सर्वाधिक २० रनको योगदान दिँदा विर्तामोडबाटै खेलेका राष्ट्रिय टिमका खेलाडी तथा नेपालका अन्डर नाइन्टिन टिमका पुर्व क्याप्टेन समेत रहेका भुवन कार्कीले १२ रन जोडेका थिए ।
विराट नगरलाई सस्तैमा समेट्नका लागि एमडी खालिदले सर्वाधिक ४ विकेट लिन सफल भए भने मैक कुमारले ३ विकेट लिएका थिए । विराटनगरले ८२ रनको सामान्य लक्ष्य १० ओभर ३ वल खेल्दा २ विकेटको क्षतिमा हासिल गरेको थियो । विराटनगरका लागि राष्ट्रिय खेलाडी सिद्धान्त लोहनीले नटआउट ३१ रन जोडेका थिए भने अर्का ब्याट्स म्यान मुरली चौधरीले २५ रन जोडेका थिए ।
विर्तामोड तर्फबाट भुवन कार्की र विनित बास्तोलाले १÷१ विकेट लिएका थिए । प्रतियोगितामा ४ विकेट लिने विराटनगरका एमडी खालिद म्यान अफ द म्याच घोषित भए । उनलाई क्रिकेट प्रेमी प्रविन तिम्सिनाले नगद २ हजार दिएका थिए ।
आइतबारको तेस्रो खेल मकवानपुर क्रिकेट क्लव र युथ क्रिकेट राजविराज विच हुने आयोजक समितिका अध्यक्ष निशेष ओलीले बताए । कनकाई सचेत युवा क्लव र ह्वाइट वास क्रिकेट क्लवको संयुक्त आयोजनामा कनकाई माविको खेल मैदानमा भइरहेको प्रतियोगितामा नेपालका ८ टिमको सहभागिता रहेको छ । प्रतियोगिताामा प्रथम तथा द्धितिय हुने टिमले क्रमशः क्रमशः नगद ५१ हजार र ३१ हजार रुपैँया र ट्रफि पाउने वताइएको छ । प्रतियोगितामा विराटनगर , उदयपुर , भैरहवा , राजविराज लगायातका ८ टिमको सहभागिता रहेको छ ।
