सुरुङ्गा \जेष्ठ नागरिक संघ कनकाई नगर वडा नं.१ र ७ को संयुक्त आयोजनामा सोमवार दुर्गापुर स्थित दुर्गा मन्दिरमा स्थानीय नौ जना जेष्ठ पितालाई सम्मान गरीएको छ ।
पिता औंसीको अवसर पारेर आयोजना गरीएको विशेष सम्मान कार्यक्रममा सम्मानित हुने समाजका जेष्ठ पिताहरुमा दुर्गाप्रसाद निरौला, विरवहादुर तामाङ् टेकवहादुर कार्की, प्रेमलाल खनाल, कृष्णप्रसाद ओली, मानवहादुर तिम्सिना, नरप्रसाद कडेल, त्रिलोचन भट्टराई र गुरुप्रसाद शिवाकोटी रहनुभएको छ ।
समाजका जेष्ठ नागरीकलाई जिउँदो तिर्थका रुपमा मान्दै नगरका हरेक वडामा यस किसिमको सम्मान कार्यक्रमलाई निरन्तरता दिँदै जाने जेष्ठ नागरिक संघ कनकाईका अध्यक्ष पुण्यप्रसाद बारकोटीले वताउँनु भएको छ । नगरभित्र रहेका सम्पूर्ण जेष्ठ नागरीकहरुको स्वास्थ्य साथै यातायातका क्षेत्रमा सरकारले विशेष ध्यान दिनु पर्नेमा अध्यक्ष बारकोटीको जोड थियो ।
जेष्ठ नागरिक संघ कनकाई वडा नं.७ का संयोजक धनराज खड्काको सभापतित्व एवम् कनकाई नगरपालिकाका प्रमुख राजेन्द्र पोखरेलको प्रमुख आतिथ्यतामा सम्पन्न कार्यक्रममा जेष्ठ सदस्य टिकाराम निरौलाले स्वस्ती वाचन गर्नुभएको थियो ।
संघको वडा नं.१ का सहसंयोजक वालकृष्ण सिटौलाको स्वागत तथा वडा नं.७ का सचिव हरिप्रसाद शिवाकोटीले संचालन गर्नुभएको कार्यक्रममा वडा नं. ७ कि परिषद सदस्य गीता चौहान, संघका नगर अध्यक्ष पुण्यप्रसाद वारकोटी, नगर सचिव शम्भु पोखरेल, दुर्गा मन्दिरका अध्यक्ष दुर्गाप्रसाद निरौला, वडा नं.९ का संयोजक धनपति मैनाली, वडा नं.१ का संयोजक तेजप्रसाद वराल, सम्मानित व्यक्तित्व त्रिलोचन भट्टराई, सीता ओली लगायतले मन्तव्य राख्नुभएको थियो ।
