काठमाडौं । नेपाली कांग्रेसले भोटेकोशी नदीमा आएको बाढीबाट प्रभावित तथा पीडित परिवारलाई राहत तथा सहयोग पु¥याउने उद्देश्यले पौने तीन करोडभन्दा बढी रकम संकलन गरेको छ ।
कोषाध्यक्ष उमेश श्रेष्ठले सोमबार १५ औं महाधिवेशनको बन्दसत्रमा पेश गरेको आर्थिक प्रतिवेदनमा बाढीबाट प्रभावित तथा पीडित परिवारलाई राहत तथा सहयोगका लागि दुई करोड ८१ लाख ७२ हजार ९७४ रुपैयाँ ंसंकलन भएको उल्लेख छ ।
उक्त रकम क्रियाशील सदस्य, शुभेच्छुक तथा नेपलाभित्र र बाहिरबाट संकलन भएको कोषाध्यक्ष श्रेष्ठले प्रतिवेदनमार्फत जानकारी गराएका छन् । जसमध्ये कांग्रेसले प्रधानमन्त्री दैवी प्रकोप उद्धार कोषमा एक करोड रुपैयाँ जम्मा गरेको थियो ।
कोषाध्यक्ष श्रेष्ठले बाँकी रहेको एक हरोड ८१ लाख ७२ हजार ९७४ रुपैयाँ नेपाल बैंक तथा ईसेवामा बाँकी रहेको पनि प्रतिवेदनमा उल्लेख गरेका छन् ।
‘बाँकी रकमसमेत सम्बन्धित निर्णय तथा आवश्यकताअनुसार राहत तथा पुनःस्थापनाका कार्यमा परिचालन गरिने छ,’ प्रतिवेदनमा भनिएको छ ।
-onlinekhabar
