बिर्तामोड/झापाको बिर्तामोड–२ स्थित चारपानेमा मुख्य कार्यालय रहेको सहारा नेपाल बचत तथा ऋण सहकारी संस्थाको सञ्चालक समिति अध्यक्षमा छविलाल खतिवडा निर्वाचित भएका छन् ।
आफ्ना मुख्य प्रतिस्पर्धीका रुपमा रहेका उपेन्द्र ओलीलाई १४ हजार ५८७ मतको अन्तरले पछि पार्दै अध्यक्षमा खतिवडा निर्वाचित भएका हुन् । नवनिर्वाचित अध्यक्ष खतिवडाले २१ हजार ९८४ मत प्राप्त गरेका थिए भने उनका प्रतिस्पर्धी ओलीले ७ हजार ३९७ मत प्राप्त गरेका थिए । अध्यक्षकै अर्का प्रत्यासी भरतकुमार गिरीले ४हजार २६३ मत प्राप्त गरेको निर्वाचन समितिका सदस्य सचिव दिनेशबहादुर निरौलाले जानकारी दिए ।
त्यस्तै वरिष्ठ उपाध्यक्षमा १८ हजार ९३९ मत प्राप्त गर्दै नेत्रबहादुर नेपाल विजयी भएका छन् । उनका प्रतीस्पर्धीहरु क्रमशः टेकनाथ खनाल -टंक) ले ४हजार ७९९, हेमराज गिरीले ४हजार ०९५ र ज्ञानुनाथ मैनालीले ५ हजार ६२७ मत प्राप्त गरेको बताइएको छ ।
महिला उपाध्यक्षमा पार्वता भारती गिरीले २० हजार ८१ मत प्राप्त गर्दै निर्वाचित भएकी छन् भने उनका प्रत्यासि खीनमाया बस्नेतले ५ हजार ५१०, गुहेश्वरी बुढाथोकीले ३ हजार ५८६ र सुश्री हरिमाया सिग्देलले ३ हजार ८७१ मत प्राप्त गरेका छन् ।
त्यस्तै कोषध्यक्षामा १९ हजार ५६३ मत प्राप्त गर्दै लक्ष्मीप्रसाद आचार्य निर्वाचित भएका छन भने उनको प्रत्यासीका रुपमा रहेका भीमबहादुर गिरीले ७ हजार४३ मत र भोला धितालले ६ हजार २४२ मत प्राप्त गर्न सफल भएको जनाइएको छ ।
समितिको खुल्ला सदस्यमा १६ जनाको उम्मेद्वारी रहेकोमा नारायणप्रसाद गिरीले ११ हजार ८१६, मदनराज कटुवालले १२ हजार ८२७ र रमेश सेडाईले ९ हजार ४२५ मत प्राप्त गर्दै निर्वाचित भएको निर्वाचन समितिका सदस्य सचिव दिनेशबहादुर निरौलाले जानकारी दिए ।
त्यसैगरी महिला सदस्यमा राधिका चुडाल -हुमागाई) १२हजार ४२ मत र शिखा खड्का १३ हजार ४५ मत प्राप्त गर्दै निर्वाचित भएका छन् । महिला सदस्यका लागि सात जना उम्मेद्वारहरु चुनावी मैदानमा उत्रिएका थिए ।
त्यस्तै लेखा सुरपरिवेक्षण समिति संयोजकमा डम्बर देउजा निर्वाचित भएका छन् । उनले १९ हजार ५७० मत प्राप्त गरेका छन् भने अर्का उम्मेदवार शंकर सुवेदीले ११ हजार ६५९ मत प्राप्त गरेका हुन् ।
त्यसैगरी लेखा सुरपरिवेक्षण समितिको सदस्यमा बबिता घिमिरे १७ हजार २२७ मत र सुनिल कार्कीले १५ हजार ४८८ मत प्राप्त गर्दै निर्वाचित भएको निर्वाचन समितिका सदस्यसचिव निरौलाले जानकारी दिए ।
विभिन्न ६ वटा जिल्लामा आफ्नो कार्यक्षेत्र रहेको सहारा साकोसमा एक लाख ९७ हजार ५५२ जना सदस्यहरु मतदाताका रुपमा रहेका थिए । ८० वटा केन्द्र मार्फत सेवा दिइरहेको संस्थामा १२ पदका लागि ४५ जना चुनावी मैदानमा उत्रिएका थिए । शनिबार सम्पन्न निर्वाचनको मत गणना भने सोही दिन बेलुकाबाटै सुरु गरेर रातभरीमा गणना सम्पन्न गरेको जनाइएको छ ।
