कनकाई खबर / झापा क्षेत्र नं.४ का माननीय सांसद शम्भुप्रसाद ढकाल सुस्केरालाई मातृशोक परेको छ ।
ढकालकी ममतामयी माता कनकाई १ निवासी जशोदा ढकालको ८०बर्षको उमेरमा शनिवार राती ११ बजे निधन भएको हो । शारिरीक रुपमा अस्वस्थ भएपछि उपचारकालागि ढकाललाई नोबेल मेडिकल कलेज बिराटनगर लगिएकोमा उपचारकै क्रममा ढकालको निधन भएको जनाइएको छ ।
स्व. माताको आज आइतबार ११ः४५ बजे कनकाई घाटमा अन्तीम दाहसंस्कार गरिने पारिवारीक स्रोतले जनाएको छ । स्थानीयस्तरका विभिन्न सामाजिक एवं धार्मिक संघसंस्थाहरुबाट जेष्ठ नागरिकको रुपमा सम्मानित भइसक्नुभएकी अत्यन्तै सरल एवं धार्मिक स्वभावकी स्व.माता केही समयदेखी शारिरीक रुपमा अस्वस्थ भइ उपचारकै क्रममा पारिवारीक रेखदेखमा रहनुभएको थियो ।
कनकाई खबर डटकम सहित कनकाई खबर साप्ताहिकको तर्फबाट स्व. माताको बैकुण्ठ बासको कामना गर्दै शोकसन्तप्त परिवारजनप्रति धैर्यधारण गर्ने ईश्वरीय शक्ति प्राप्त होस् भन्ने कामना सहित हार्दिक श्रद्धाञ्जलि एवं गहिरो समवेदना प्रकट गर्दछौं ।
