तस्बिरमा- सत्कारलाई भोट माग्दै सतलोक संगितालय, बिर्तामोड
आज साउन २२ गते सुक्रबार बेलुका ८ः२५ बजेसम्म भोटिङ गर्न सकिने
कनकाई खबर / झापाको कनकाई –३, सुरुङ्गाका प्रतिभाशाली बाल कलाकार सत्कार थपलिया …द भ्वाइस अफ किड्सÚ -सिजन ५) को सेमी फाइनलमा प्रवेश गर्दै राष्ट्रिय मञ्चमा प्रतिष्पर्धा गर्दैछन् ।
नेपालको चर्चित सांगीतिक रियालिटी शो …द भ्वाइस अफ किड्स- को विभिन्न प्रतिस्पर्धात्मक चरण सफलतापूर्वक पार गर्दै सत्कार सेमी फाइनलमा प्रवेश गरेका हुन् ।
कनकाईको सुरुङ्गास्थित संगीत साधना कला केन्द्रबाट संगीत तर्फको प्रारम्भिक चरणको शिक्षा प्राप्त गरेका सत्कार पछिल्लो समय बिर्तामोडस्थित सप्तक संगितालयबाट प्रशिक्षण लिँदै आएका थिए । १० वर्षीय थपलिया झापाको कनकाई–३, सुरुङ्गा बजार निबासी कमल थपलिया र संगीता थपलियाका कान्छा सुपुत्र हुन्। बाल्यकालदेखि नै सुमधुर स्वर र संगीतप्रतिको असाधारण रुचिका कारण उनको आफ्नो प्रतिभाले निर्णायक, प्रशिक्षक तथा लाखौं दर्शकको मन जित्दै सत्कारले सेमी फाइनल सम्मको यात्रा तय गरेका हुन् ।
कनकाईको गौरवका रूपमा रहेका सत्कारले आफ्नो सुमधुर स्वर र उत्कृष्ट प्रस्तुतिबाट लाखौं दर्शक तथा निर्णायकहरूको मन जित्दै यो महत्वपूर्ण चरणसम्मको यात्रा तय गरेका छन्।
सम्पूर्ण सहयोगी मनहरु, शुभचिन्तक, विभिन्न संघसंस्था,आफन्तजन, साथीसँगीहरुको अपार माया, साथ, सहयोगबाट उनको सेमी फाइनल सम्मको यात्रा तय भएको सत्कारकी आमा संगिता पनेरु थपलिया बताउँछिन् । सहयोगी मनहरु सबै सबैप्रति धन्यवाद सहित आभार प्रकट गर्दै फेरी पनि यो सेमी फाइनलको यात्रा पूरा गर्नका लागि सबैको एक–एक भोटमा निर्भर रहने भन्दै यो कार्यमा सबैको साथ सहयोगका लागि सत्कारकी आमा संगिता थपलियाले सबैलाई अनुरोध गरेकी छन् ।
भोट हाल्ने अन्तिम समय आज साउन २२ गते शुक्रबार बेलुका ८ः२५ बजे सम्म खल्ती एप मार्फत सत्कार थपलियालाई भोट गर्न सकिने बताइएको छ । खल्ती एप खोलेर The Voice of Kids Nepal Voting मा गएर Satkar Thapaliya छनोट गरी भोट गर्न सकिने बताइएको छ ।
सत्कारका बुबा कमल थपलियाले कनकाईवासी, सम्पूर्ण झापाली तथा स्वदेश साथै विदेशमा समेत रहनुभएका नेपाली दाजुभाइ तथा दिदीबहिनीलाई सत्कारलाई भोट गरेर एउटा होनहार बाल प्रतिभाको सपना साकार बनाउन हार्दिक अपिल गरेका छन् ।
आउनुहोस्, हाम्रो सानो प्रयासले कनकाईको गौरवलाई राष्ट्रिय मञ्चमा विजेता बनाऔँ। सत्कार थपलियालाई भोट गरौँ, सफल बनाऔँ।
