कनकाई खबर /झापाको कनकाई नगरपालिकामा न्यायिक समिति र मेलमिलाप कर्ताहरुलाई लक्षित गरी, समुदायमा सरकारी वकिल विषयक छलफल तथा अन्तरक्रिया कार्यक्रम सम्पन्न भएको छ ।
कनकाई नगरपालिकाको सभा हलमा जिल्ला सरकारी वकिलको कार्यालय, झापाले संचालन गरेको अन्तरक्रिया कार्यक्रममा नगरपालिकाको न्यायीक समिति एवं मेलमिलाप कर्ताहरुको उल्लेखनीय सहभागीता रहेको बताइएको छ ।
जिल्ला न्यायधिवक्ता दिपेशप्रताप शाहको अध्यक्षतामा सम्पन्न अन्तरक्रिया कार्यक्रममा सहायक जिल्ला न्यायधिवक्ता कृष्णप्रसाद रिमालले कार्यक्रमको सहजीकरण सहित विषयवस्तुसँग सम्बन्धित प्रस्तुती दिनुभएको थियो ।
न्यायीक समिति संयोजक समेत रहनुभएकी कनकाई नगरपालिकाकी उपप्रमुख आशा शिवाकोटी, प्रमुख प्रशासकीय अधिकृत नारायण न्यौपाने लगायतले शुभकामना मन्तव्य राख्नुभएको कार्यक्रममा वडाअध्यक्षहरु कृष्णवहादुर राई, लक्ष्मीप्रसाद ओली, भिष्म सिटौला साथै मेलमिलाप कर्ताहरु इन्दिरा अधिकारी, पुण्यप्रसाद ओझा, सुनीता खरेल सिग्देल लगायतले आआफ्नो जिज्ञासा राख्नुभएको थियो । कार्यक्रममा नगरपालिकाका विभिन्न शाखाका कर्मचारी, सुरक्षाकर्मी, सञ्चारकर्मी लगायतको उपस्थिती रहेको बताइएको छ ।
