कनकाई खबर / झापाको कनकाई नगरपालिकाका प्रमुख राजेन्द्रकुमार पोखरेललाई मातृशोक परेको छ ।
नगर प्रमुख पोखरेल सहित छोराहरु अन्तराष्ट्रिय झापाली समाजका पुर्व केन्द्रिय अध्यक्ष निर्माण पोखरेल, समाजका संस्थापक अध्यक्ष एवं एनआरएनका उपाध्यक्ष दिनेश पोखरेल, डाक्टर फाल्गुनी पोखरेल सहित परिवारजनकी ममतामयी माता कनकाई १, दुर्गापुर निवासी ९० वर्षीय देबीमाया पोखरेलको आज जेठ १८ गते सोमबार साँझ७ः३७ बजे निधन भएको हो ।
बुढ्यौलीका कारण केही वर्षदेखी अस्वस्थ बन्दै विभिन्न रोगबाट ग्रसित बन्दै आउनुभएकी माता पोखरेलको भोली १९ गते मंगलबार दिउँसो १ बजे पवित्र कनकाई घाटमा अन्त्यष्टी गरिने पारिवारीक स्रोतले जनाएको छ ।
भोजपुर जरायोटार निबासी टिकादत्त दहाल तथा तुलसा दहालकी सुपत्रीका रुपमा वि.सं.१९९४ भाद्र १२ गते जन्मनुभएकी पोखरेलका श्रीमान गणेशप्रसाद पोखरेलको केही वर्ष अघि नै निधन भएको हो ।
स्व. पोखरेलका छोरा बुहारीहरु क्रमशः राजेन्द्रकुमार र मुना [हेलेन] , निर्माण र सलिना, दिनेश र अनुजा , फाल्गुनी र श्रध्दा पोखरेल रहेका छन् । यसैगरी छोरी ज्वाइँहरु सुधा तथा स्वर्गीय प्रजापति बास्तोला, अप्सरा तथा बेनुकुमार भट्टराई, दुर्गा तथा राजेश प्याकुरेल, भगवती तथा डाक्टर डिके आचार्य, अञ्जु तथा सुमन कोइराला, रन्जु तथा विनयदेव आचार्य तथा १९ नाति नातिना ६ जना पनाती पनातीना रहेका छन ।
स्व.पोखरेलका जेठा ज्वाइँ प्रजापति बास्तोलाको निधन भएको भोली मंगलबार नै शुद्धीशान्ती कार्य परेका कारण सो कार्य सम्पन्नपछि मध्यान्न १ बजेकालागि दाहसंस्कारको समय निर्धारण गरेको जनाइएको छ ।
शोकाकुल सम्पूर्ण परिवारजनमा धैर्य धारण गर्ने ईश्वरीय शक्ति प्राप्त होस् भन्ने कामना सहित दिवंगत आत्माको चिर शान्तिको कामनाका साथ कनकाई खबर साप्ताहिक एवं कनकाई खबर डटकमका तर्फबाट भावपूर्ण श्रद्धाञ्जली अर्पण गरिएको छ । 🙏
