सुर्यप्रसाद अधिकारी,
कनकाई खबर/झापाको कनकाई २,जामुनबारीस्थित श्री सरस्वती माध्यमिक विद्यालयको व्यवस्थापन समितिको अध्यक्षमा पशुपति आचार्य सर्वसम्मत रुपमा चयन भएका छन् । आगामी तीन वर्षे कार्यकालका लागि आचार्य अध्यक्षमा सर्वसम्मत रुपमा पुनः चयन भएका हुन् ।
यहि जेठ १२ गते मङ्गलबारका दिन विद्यालयमा भएको अभिभावक भेलाले आचार्यलाई अध्यक्षका रूपमा सर्वसम्मत चयन गरेको हो ।शिक्षा ऐन२०२८-संशोधनसहितको) दफा १२ को उपदफा १ को खण्ड -क) बमोजिम अध्यक्ष आचार्य सहित अन्य सदस्यहरूमा विष्णु दाहाल, खुमा सिग्देल र डिक कुमारी आचार्य समेत सर्वसम्मत चयन भएका छन् ।
आचार्यले विगत लामो समयदेखि यसै विद्यालयमा रहेका विभिन्न समिति एवं उपसमितिमा कार्यरत रहँदै ईमान्दारीताका साथ आफ्नो कार्य सम्पादन गर्दै आएका छन्। निवर्तमान शिक्षक अभिभावक संघका अध्यक्ष समेत रहेका आचार्यलाई शिक्षा सेवाका क्षेत्रमा निस्वार्थ एवं ईमान्दारीताका साथ देखाएको सक्रियताका कारण उक्त भेलाले उनैलाई विद्यालयको दोस्रो अध्यक्षको कार्यकालका रूपमा समेत चयन गरेको बताइएको छ ।
यसैगरी मंगलबारै विद्यालयमा शिक्षक अभिभावक संघको समेत गठन भएको छ। दुई वर्षे कार्यकालकालागि अध्यक्षमा कैलाश नेपाली चयन भएका छन् भने सदस्यहरूमा क्रमशः धरमराज घिमिरे, प्रेमबहादुर लिम्बु, धनकुमार बुढाथोकी, तुलसा निरौला, विनिता महरा दर्जी , फूलमाया राई ,जमुना सोरेन समेत सर्वसम्मत रुपमा चयन भएको विद्यालयका प्रधानाध्यापक नारायणप्रसाद अधिकारीले जानकारी दिए ।
