कनकाई खबर / कनकाई खेलकुद प्रतिष्ठानको आयोजनामा जारी झापा जिल्ला पालिका स्तरीय पुरुष फुटबल प्रतियोगिताको आठौं संस्करण कनकाई कपको उपाधीकालागि आज प्रतिस्पर्धा हुने भएको छ ।
प्रतियोगितामा झापा गाउँपालिका र बिर्तामोड नगरपालिकाका खेलाडीहरु बीच अत्यन्तै कडा प्रतिस्पर्धा हुने अनुमान गरिएको छ ।
बैशाख २६ देखि सुरु भइ आज जेठ ६ गते सम्पन्न हुने प्रतियोगितामा जिल्लाका १२ वटा पालिकाको सहभागिता रहेको प्रतिष्ठानका अध्यक्ष छबी थपलियाले जानकारी दिए ।यस प्रतियोगिताको मुख्य प्रायोजक कनकाई नगरपालिका रहेको जनाइएको छ।
प्रतियोगिताको प्रथम पुरस्कार राशि १लाख २० हजार दोस्रो पुरस्कार राशि ७५ हजार साथै ट्रफी , मेडल र प्रमाणपत्र रहेको प्रतिष्ठानका कोषाध्यक्ष डम्बरप्रसाद फुयालले जानकारी दिए । प्रतियोगिताका विधागततर्फ उत्कृष्ट गोलकिपर , सर्वाधिक गोलकर्ता, उत्कृष्ट डिफेन्स र उत्कृष्ट मिडफिल्डरले नगद ३ हजार एक सय प्राप्त गर्नेछन् भने म्यान अफ द टुर्नामेन्टले ५ हजार एक सय प्राप्त गर्नेछन् । त्यस्तै प्रतियोगितामा हरेक खेलको मेन अफ दि म्याचलाई समेत पुरस्कारको व्यवस्था गरिएको जनाइएको छ ।
