कनकाई खबर \ गाउँघरका ज्येष्ठ अभिभावकहरूसँग भेटघाट गर्दै उनीहरूका अनुभव र सुझावलाई आत्मसात गर्ने क्रममा व्यस्त देखिएका एल.पी. साँवा लिम्बूले प्राथमिकताका साथ गाउँघरका ज्येष्ठ अभिभावकहरुका सुख दुःखमा हातेमालो गर्दै आएकाछन् ।
“आगो ताप्नु मुडाको, कुरा सुन्नु बुढाको” भन्ने नेपाली उखानलाई आत्मसात गर्दै साँवाले गाउँका ज्येष्ठ नागरिक, विपन्न परिवार, रोगबाट छटपटिरहेका रोगी, बिरामीहरुको स्वास्थ्योपचारमा समेत विशेष ध्यान दिँदै आएको बताइएको छ । गाउँघरका अभिभावकहरूले विगतका अनुभव, सामाजिक मूल्य र भावी अपेक्षाबारे साँवासँग खुलेर कुरा गर्दै आएका छन्।
साँवाले विगतमा झापा क्षेत्र नं.४ को क्षेत्रीय विकास, शिक्षा, स्वास्थ्य र पूर्वाधार निर्माणमा उल्लेखनीय योगदान पु¥याएको जनताले स्मरण गरेका छन्। आसन्न निर्वाचनमा पुनः उम्मेद्वार बनेका साँवाले जनताको विश्वास र समर्थनलाई अझ मजबुत बनाउन गाउँगाउँमा संवादलाई प्राथमिकता दिएका छन्।
क्षेत्रबासी जनताले साँवाको नेतृत्वलाई निरन्तरता दिनुपर्ने आवश्यकता औंल्याउँदै, अनुभवी जनप्रतिनिधिका रूपमा पुनः निर्वाचित हुने अपेक्षा व्यक्त गरेका छन् । प्रतिनिधि सभामा दुई कार्यकालसम्म सफल नेतृत्व सम्हालेका निवर्तमान सांसद साँवा आसन्न निर्वाचनमा पुनः उम्मेदवार बनेका छन्।
