सुरुङ्गा \ जेष्ठ नागरिक संघ कनकाई नगर समितिको अध्यक्षमा पुनः पुण्यप्रसाद वाह्रकोटी सर्वसम्मत रुपमा चयन भएका छन् । समितिको शनिवार दुर्गापुरमा सम्पन्न भएको दोस्रो अधिवेशन सहितको तेस्रो वार्षिक साधारण सभाले तीन वर्षे कार्यकालका लागि वाह्रकोटीलाई अध्यक्षमा सर्वसम्मत रुपमा चयन गरेको हो ।
समितिको महिला सहितको दुईजना उपाध्यक्षमा गोपाल चुडाल र भागिरथा शिवाकोटी, सचिवमा पुनः शम्भु पोखरेल, सहसचिवमा यामनाथ सेड्याईँ र कोषाध्यक्षमा पुनः दुर्गादेवी ओली सर्वसम्मत रुपमा चयन भएका छन् ।
समितिको सदस्यहरुमा नगरका सवै वडामा यस अघि नै चयन भइसकेका संघका वडा संयोजकहरु नै नगर समितिको सदस्यमा स्वतः रहने भएकाले सोही अनुसार नगर समिति सदस्यमा नौ जना सदस्यहरु चयन भएका छन् ।
यसरी सर्वसम्मत रुपमा चयन भएका समितिका सदस्यहरुमा क्रमशः तेजप्रसाद वराल, कपिल सिटौला, रघुनाथ भट्टराई, विनोद शर्मा दहाल, गोकर्ण ओझा, पदमप्रसाद ओली, धनराज खड्का, धनपति खनाल र धनपति मैनाली रहेका छन् ।
अन्य विभिन्न पक्षलाई मिलाएर समितिको पहिलो वैठकले थप चार जना सदस्य मनोनित गरी १९ सदस्य समिति निर्माण हुने नव नियुक्त अध्यक्ष वाह्रकोटीले वताएका छन् ।
सर्वसम्मत रुपमा समिति चयनकालागि विष्ण्ुाप्रसाद चुडालको संयोजकत्वमा नरेन्द्र फुयाल र सीता ओली सदस्य रहेको निर्वाचन मण्डलले भूमिका खेलेको वताइएको छ ।
कार्यक्रमकै अवसरमा कनकाई नगरका दुईजना जेष्ठ सदस्यलाई समेत सम्मान गरिएको छ । यसरी सम्मानित हुनेमा कनकाई नगर वडा नं. ७ निवासी ८३ वर्षिया समाजसेवी जेष्ठ पिता गणेशप्रसाद पोखरेल र कनकाई नगर ४ निवासी ७२ वर्षिया अपाङ्ग जेष्ठ माता तुलामाया कार्की रहेका छन् ।
सम्मानित दुवैजनालाई कार्यक्रमका प्रमुख अतिथी प्रदेश सभा सदस्य हिराकुमार थापाले सम्मान पत्रसहित दोसल्ला ओढाएर सम्मान गरेका थिए ।
संघका कनकाई नगर समितिका अध्यक्ष पुण्यप्रसाद वाह्रकोटीको सभापतित्व एवम् प्रदेश सभा सदस्य हिराकुमार थापाको प्रमुख आतिथ्यतामा सम्पन्न कार्यक्रममा अध्यक्ष वाह्रकोटीले संस्थाको भावि योजना सहितको प्रगति प्रतिवेदन प्रस्तु गरेका थिए ।
नगर समितिका सदस्य गोकर्ण ओझाले स्वागत गरेको कार्यक्रममा संघका जिल्ला समिति सचिव जयप्रसाद संग्रौला, वडा नं.६ का वडा अध्यक्ष लक्ष्मीप्रसाद ओली, संघका झापा गाउँपालिका उपाध्यक्ष राजेश थापा, भृकुटी माविकी प्राचार्य अन्जना सिटौला, भगवती सहकारी संस्था सुरुङ्गाका अध्यक्ष तिलचन्द्र उप्रेती, कनकाई उद्योग वाणिज्य संघका उपाध्यक्ष कृष्णप्रसाद चुडाल लगायतले मन्तव्य राखेका थिए ।
संघका नगरसमिति सदस्य विनोद शर्मा दहालले स्वागत गीत प्रस्तुत गरेको कार्यक्रमको संचालन संघका सचिव शम्भु पोखरेलले गरेका थिए ।
