भद्रपुर \ शुक्रबार राति भद्रपुर विमानस्थलमा बुद्ध एयरको जहाज अवतरणको क्रममा नियन्त्रण बाहिर गएर दुर्घटनामा प¥यो । जहाज रनवेमा ल्यान्ड गर्न लाग्दा अचानक ब्रेक नलाग्दा जहाज चिप्लिएको थियो ।
यात्रुहरूका अनुसार दुर्घटनाको समयमा सबैमा डर फैलिए पनि साहसका साथ जीवन जोगीयो । ‘यदि दैलो (झ्याल) नफुटाइएको भए हामी भित्रै चेप्टिएर मर्ने थियौँ’, जहाजका यात्रु अर्जुनधारा नगरपालिकाका मेयर बलदेव गोम्देनले भने, ‘हामी सबै हाम फालेर बाहिर निस्कियौं, ज्यान बचायौँ।’
घटनामा जहाजमा रहेका ५१ जना यात्रु सबै सकुशल बाहिर निस्कन सफल भएको बताइएको छ । प्रशासन र प्रहरी टोलीले तत्काल यात्रुहरुलाई सुरक्षित स्थलमा पुर्याउने काम गरेको थियो ।
धेरै यात्रुहरुले अवतरणको समयमा भय र त्रास भोगेका थिए । घटनास्थलमा जहाज र रनवेको अवस्था जाँच भइरहेको प्रमुख जिल्ला अधिकारी शिवराम गेलालले जानकारी दिए ।
