कनकाई खबर \ नेकपा एमालेको ११ औं महाधिवेशनमा प्रतिनिधि छनौटका लागि भएको निर्वाचन सम्पन्न भइ मत परिणाम समेत सार्वजनिक भएको छ ।
यसै क्रममा झापा क्षेत्र नंं.४ मा पार्टी संगठीत सदस्यहरुको कुल मतसंख्या ३ हजार ३ सय ५५ रहेकोमा २ हजार ५सय ८७ मत खसेको बताइएको छ । जस अनुसार खुल्ला तर्फ विजयी हुनेहरुमा क्रमशः लालप्रसाद साँवा –एल.पी. ले (१८०६), मेगाहाङ्ग थोप्रा (१७७३), रविन्द्र लम्साल(१३९२), हिमबहादुर कार्की (१२१६) ल्याएर विजयी बनेका हुन् ।
खुल्ला तर्फ प्रतिस्पर्धीका रुपमा रहेका अन्य उम्मेद्वारहरुको क्रमशः राधाकृष्ण खनाल ६९४, हिराकुमार थापा ६६६, तुलसीराम मैनाली ५६९, धनबहादुर थेवे ५४२, भैरवकुमार श्रेष्ठ ४६६ र कमलप्रसाद लामिछानेले १८४ मत प्राप्त गरेको जनाइएको छ ।
विजयी महिला तर्फ गोमा रिजाल(१७३७) र कृष्णमाया भुजेल (१६०५)मत प्राप्त गरी विजयी बनेका छन् । उपविजेता महिलाहरु कल्पना चम्लागाईँ( कोपिला) ले ८४९ र देवीमाया अधिकारी कोइरालाले ४२० मत प्राप्त गरेका छन् ।
युवा तर्फ रोशन सुवेदीले १६७३ मत प्राप्त गरी विजयी बनेका छन् भने उनका प्रतिस्पर्धी प्रदीप गोले(फुर्वा) ले ७५७ मत प्राप्त गरेको निर्वाचन समितिले सार्वजनिक गरेको सुचनामा जनाइएको छ ।
