कनकाई \ झापाको कनकाई ३ स्थित सुरुङ्गामा दुईवटा मोटरसाइकल एकापसमा जुध्दा एकजनाको मृत्यु भएको छ ।
गएराति ९ः१० बजे कनकाई नगरपालिका– ३ नयाँ बस्तीस्थित भित्री सडकखण्डमा सुरुङ्गा पुलबाट टप्पुचोकतर्फ जाँदै गरेको प्र.१–०२–०५८ प ५०६३न. को मोटरसाइकल र बिपरित दिशाबाट आउँदै गरेको प्र.१–०१–०१५प४२१०न.को मोटरसाइकल एकआपसमा ठक्कर खाएका थिए ।
दुर्घटनामा ५०६३न.को मोटरसाइकल चालक कनकाई ३ पिङडाँडा सरस्वती टोल निवासी ३३ वर्षीय दिपक सिटौला गम्भीर घाइते भएका थिए ।टाउकोमा चोट लागेर घाइते सिटौलालाई बीएण्डसी अस्पताल बिर्तामोड पठाईएकोमा डाक्टरले चेकजाँच गर्दा बाटैमा मृत्यु भइसकेको बताइएको छ ।
इलाका प्रहरी कार्यालय सुरुङ्गाबाट प्रहरी नायव निरीक्षक सुबास ढुङ्गानाको कमाण्डमा प्रहरी टोली खटिएर दुबै मोटरसाइकल .र ४२१०न.को मोटरसाइकल चालक कनकाई ६बस्ने २३ वर्षीय नितेश बस्नेत र सोही मोटरसाइकलमा पछाडी सवार बाह्रदशी ७ सुन्दर टोल बस्ने २१ वर्षीय उत्सव बस्नेतलाई नियन्त्रणमा लिएको प्रहरी नायव निरीक्षक ढुङ्गानाले जानकारी दिए ।
