झापा \ भाटभटेनी सुपर मार्केटले दुखद क्षणबाट गुज्रिए पनि अझै आशा नहराएको जनाएको छ ।
जेन जेड आन्दोलनमा आन्दोलनकारीले भाटभटेनीको विभिन्न ब्रान्चमा आगजनी, तोडफोड,लुटपाट मच्चाउँदा अर्बौँको क्षति भएको छ ।
व्यवसायी मीन बहादुर गुरुङले काठमाडौँ उपत्यकासहित विभिन्न ठाउँमा सञ्चालनमा ल्याएको भाटभटेनीहरू अब पुन सञ्चालन हुन्छ हुँदैन भन्ने संशय उत्पन्न भइरहेको बेला सुपर मार्केटले अझै आशा बाँकी रहेको बताएको छ ।
सामाजिक सञ्जाल फेसबुकमा विभिन्न ब्रान्चमा सामान चोरी, लुटपाट, आगजनीको भिडियो राख्दै सबैको साथले उठ्ने साहस दिइरहेको उल्लेख गरेको छ । पसलहरू ध्वस्त भए पनि सबैको साथले अझ माथि उठ्न मजबुत महसुस गरिरहेको बताएका छन् ।
अहिले जलेका भाटभटेनीमा हजारौँ सहयोगी हातहरूले सफा गर्न मद्दत गरिरहेको, आँसु पुछिरहेकाले फेरि आफूहरूलाई उठ्न शक्ति दिइरहेको बताएको छ। भाटभटेनी फेरि उभिने आशा राखेको छ ।
सबैको साथले भविष्यलाई अझ उज्ज्वल बनाउने भाटभटेनीले आशा राखेको छ ।
