कनकाई खबर \ दोमुखा धार्मिक तथा पर्यटकीय क्षेत्रमा भएको मतदानपछि अहिले तीनसय मतको परिणाम सार्वजनिक भएको छ ।
समितिको कार्यालयमा भइरहेको मतगणनामा भर्खरै प्राप्त जानकारी अनुसार तीनसय मत गणना हुँदा अध्यक्षका उम्मेद्वार तर्फ स्वतन्त्रका किरण ओलीले ३६ मत, प्रगतिशिल प्यानल तर्फका मनबहादुर मगरले ११८ मत र लोकतान्त्रीक प्यानल तर्फका मोहन कार्कीले १३९ मत प्राप्त गरेका छन् ।
तीनसय मत गणना हुँदा पदाधिकारी तर्फ प्रथम उपाध्यक्ष पदमा ठाकुर प्रसाद ढकाल ९केशव० ले १०५ र प्रेमध्वज जवेगुले १८२ मत प्राप्त गरेका छन् । त्यस्तै द्वितीय उपाध्यक्ष पदका उम्मेदवार इन्द्रप्रसाद न्यौपानेको १३८ र कृष्णबहादुर बस्नेतको १३६ मत प्राप्त गरेका छन् ।
सचिव पदमा धनकुमार ढकालले १४३ र तेजबहादुर भट्टराई १४२ मत प्राप्त गरेका छन् । सह सचिवमा अग्नीप्रसाद राईले १६२ र देवीबहादुर चेम्जोङ्गले १२३ प्राप्त गरेको बताइएको छ । त्यस्तै कोषाध्यक्षमा चुनमाया दाहाल ९आशा० १५० र रेनुका फुयलको १३५ मत प्राप्त भएको मतगणना स्थलबाट कनकाई खबरका सहयोगी अरुण नेपालले जानकारी दिए ।
जम्मा १३३५ मतदाता रहेको दोमुखा धार्मिक तथा पर्यटकीय क्षेत्रमा १ हजार ९५ मत खसेको निर्वाचन समितिले जनाएको छ ।
