कनकाई खबर \ नेपाल निजामती कर्मचारी संगठन कनकाई नगरको अध्यक्षमा आशिष घिमिरे सर्वसम्मत रुपमा चयन भएका छन् । नगर कार्यसमितिको प्रथम ऐतिहासिक अधिवेशनबाट कनकाई नगरपालिकाको योजना शाखामा लामो समयदेखी कार्यरत अत्यन्तै ईमान्दार, लगनशिल एवं जुझारु कर्मचारी घिमिरे अध्यक्षमा सर्वसम्मत रुपमा चयन भएका हुन् ।
संगठनको जिल्ला अध्यक्ष हिरण्य न्यौपानेको अध्यक्षता एवं कनकाई नगरपालिकाका प्रमुख राजेन्द्रकुमार पोखरेलको प्रमुख आतिथ्यमा सम्पन्न अधिवेशनबाट घिमिरेको नेतृत्वमा १३ सदस्यीय पालिकास्तरीय समिति सर्वसम्मत रुपमा चयन भएको बताइएको छ । संगठनको विधान अनुसार समितिको महिला सहित दुईजना उपाध्यक्षमा दिनेश खतिवडा र निशा संग्रौला, सचिवमा रोहित पौडेल, कोषाध्यक्षमा खगेन्द्र मिश्र चयन भएका छन्।
सदस्यहरुमा क्रमश ः माधव अधिकारी, समिक्षा खतिवडा, सचिन बस्नेत, मनिष चौहान, देवका पौडेल, डिल्लिराम वि. क.र गंगा पौडेल रहेका छन्।
अधिवेशनमा संगठनका केन्द्रिय सदस्य छवि ढकाल, नेकपा एमाले कनकाई नगर कमिटी सचिव प्रकाश शिवाकोटी, संगठनका प्रदेश कार्यसमिति सल्लाहकार सदस्य देवका गौतम, जिल्ला कार्यसमिति झापाका उपाध्यक्ष चिरन खतिवडा, संगठन जिल्ला सचिव पुर्ण चन्द्र मैनाली, पालिका कार्यसमिति अध्यक्षहरु बिर्तामोड अध्यक्ष तेजिन्द्र तामाङ, अर्जुनधारा अध्यक्ष त्रिबिक्रम पोखरेल, झापा अध्यक्ष गंगाराम भट्टराई, अग्रज संगठकहरु टिकामाया दवाडी, लक्ष्मी अधिकारी, गोविन्द रिजाल, राजकुमार ओडारी, ईन्द्रहरी भट्टराई लगायतको आतिथ्यमा कार्यक्रम सम्पन्न भएको संगठनका जिल्ला सचिव पुर्णचन्द्र मैनालीले जानकारी दिए ।
