रुसको तटीय क्षेत्रमा आएको ८.७ म्याग्निच्युडको शक्तिशाली भूकम्पपछि धेरै देशहरूमा सुनामीको चेतावनी जारी गरिएको छ । आज बिहान रुसको सुदूरपूर्वी कामचाट्का क्षेत्रमा १३ फिटसम्म अग्ला छालहरू मापन गरिएको थियो । जापान र संयुक्त राज्य अमेरिकाको सम्पूर्ण पश्चिमी तटलाई जोखिमपूर्ण छालको चेतावनी दिइएको छ ।
कामचाट्काका गभर्नर भ्लादिमिर सोलोदोभले टेलिग्राममा पोस्ट गरिएको भिडियोमा यस भूकम्पलाई “दशकौँ यता आएको सबैभन्दा शक्तिशाली” भूकम्प भनेका छन् । होनोलुलु आपतकालीन व्यवस्थापन विभागले “विनाशकारी सुनामी छालाहरू” आउने सम्भावना रहेको भन्दै केही तटीय क्षेत्रहरू खाली गर्न आह्वान गरेको छ ।
जापानी अधिकारीहरूका अनुसार उनीहरूले करिब १० फिटसम्म अग्ला छालाहरू तटीय क्षेत्रमा आउने अपेक्षा गरेका छन् । संयुक्त राज्य भूगर्भ सर्वेक्षणका अनुसार, ८.७ म्याग्निच्युडको भूकम्प रुसको सुदूरपूर्वी शहर पेत्रोपाभ्लोभ्स्क-कामचाट्स्कीबाट १३६ किलोमिटर (८५ माइल) पूर्वमा गएको हो ।
त्यसपछि ६.९ र ६.३ म्याग्निच्युडका थप भूकम्पहरू पनि क्रमशः पेत्रोपाभ्लोभ्स्कबाट १४७ किलोमिटर र भिल्युचिन्स्कबाट १३१ किलोमिटर दक्षिणपूर्वमा मापन गरिएको यू.एस.जी.एस. ले जनाएको छ । ….. राजधानी दैनिक डटकमबाट
