कनकाई खबर \ झापाको कनकाई १ स्थित श्री नर्वदेश्वर शिवालय संरक्षण समितिको आयोजनामा आज बुधबारदेखी सुरु भएको श्रीमद् भागवत सप्ताह ज्ञान महायज्ञको पुर्व सन्ध्यामा नौमति बाजासहित कलश यात्राको कार्यक्रम भव्यताका साथ सम्पन्न भएको छ ।
नगर क्षेत्रकै सबैभन्दा ठूलो सामुदायिक भवनका रुपमा रहेको कनकाई १ स्थित शिवालय सामुदायिक भवनमा सात दिन सम्म संचालन हुने महायज्ञको एक विशेष समारोहका बीच उद्घाटन गरिएको हो । आयोजक समिति अध्यक्ष सुलोचना ओलीको अध्यक्षता एवं कोशी प्रदेश सभा सदस्य पुर्व मन्त्री भक्तिप्रसाद सिटौलाले औपचारिक कार्यक्रमका बीच महायज्ञको उद्घाटन गरेका हुन् ।
महायज्ञ उद्घाटनसँगै मण्डप पुजा, पाठ तथा कथा आरम्भ, साँझमा महात्म्य र भजन किर्तनको कार्यक्रम भएको आयोजक समितिले जनाएको छ । यसपछिका दिनहरुमा सात दिनसम्म हरेक दिन बिहान ७ बजेदेखी सुरु भई पूजा अर्चना , पाठपारायण, कथा प्रवचन, आरती पुष्पाञ्जली सहित साँझ ७ बजेदेखी ९ बजे सम्म महात्म्य, ज्ञानमञ्च एवं भजनकिर्तनको कार्यक्रम दैनिक रुपमा संंचालन हुने बताइएको छ । पवित्र उद्येश्यले आयोजना गरिएको यस महायज्ञमा हरेक दिन उपस्थित भएर संगीतमय कथा श्रवणका लागि आयोजक समितिले विशेष आग्रह गरेको छ ।
जामुनबारी चोक दक्षिण तर्फ निर्माणाधिन अवस्थामा रहेको यस सामुदायिक भवनको पूर्णताका लागि आज २४ गते बुधबारदेखी ३१ गते सम्म महायज्ञ संचालन हुने आयोजक समिति अध्यक्ष सुलोचना ओलीले जानकारी दिएकी छन्मममममममर्मको जामुनबारी चोकबाट करिब ५ सय मिटर दक्षिणमा रहेको धुँवा, धुलो र प्रदुषणमुक्त यस क्षेत्रमा आयोजना गरिएको महायज्ञमा उपस्थित भएर कथा श्रवणका लागि आयोजक समितिले सबैमा हार्दिक अपिल गरेको छ ।
महायज्ञमा प्रमुख कथा बाचक आचार्य पण्डित छन्दुराम भण्डारी र उपबाचकमा पण्डित बिरेन्द्र दहाल रहेको बताइएको छ । प्रतिष्ठानका सचिव ऋषिकेश खतिवडाले सचालन गरेको औपचारिक कार्यक्रममा कोशी प्रदेशका पुर्व मन्त्री हीराकुमार थापा, समाजसेवी शेरबहादुर थापा, जामुनबारी सामुदायिक वन समूहका अध्यक्ष परशुराम गिरी लगायतले महायज्ञ सफलताको कामना गरे ।
