कनकाई खबर / पुर्वि नेपालकै प्रख्यात पवित्र कनकाई माई नदिको पुर्वि किनारमा रहेको कनकाई घाट संस्थाले १५ औं स्थापना दिवस मनाउँने भएको छ ।
संस्था स्थापनाको १५ वर्ष प्रवेशको अवसरमा विशेष कार्यक्रमका बीच कनकाई घाट सरसफाईलाई अभियानका रुपमा थप व्यवस्थित गर्दै अघि बढ्ने जनाइएको छ । आजभन्दा १४ वर्ष अघि २०६७ को फागुन २५ गतेका दिन संघसंस्था ऐन २०४९ अनुसार मुनाफारहित कनकाई घाट संस्थाको विधिवत रुपमा स्थापना भएको हो । संस्था संस्थापना दिवसकै अवसर पारेर नवनिर्वाचित कार्यसमितिले आफ्नो पहिलो कार्यक्रमका रुपमा अघि सारेको स्थापना दिवस विशेष कार्यक्रममा स्थानीय क्रियाशिल राजनीतिक दल, सामाजिक, शैक्षिक एवं धार्मिक संघसंस्था, नागरिक समाज, उद्योगी व्यवसायीहरुलाई समेत आह्वान गरेको संस्थाका अध्यक्ष खेमनाथ मिश्रले जानकारी दिए । सरसफाई कार्यक्रम यहि फागुन २५ गते आइतबारका दिन बिहानको ठीक ७:३० बजेको समय निर्धारण गरिएको अध्यक्ष मिश्रले बताए ।
झापाको मध्य भागमा रहेको कनकाई धाम धार्मिक विकास संस्था कोटिहवनको निजकमा रहेको पवित्र कनकाई नदिमा सुव्यवस्थित घाट निर्माण गरी पार्थिव भौतिक शरिरलाई दाहसंस्कार गर्न र अन्तिम संस्कारमा सहभागी हुने मलामीजनलाई सहज बनोस भन्ने उद्येश्यका साथ २०६७ को फागुन २५ गते कनकाई घाट संस्थाको स्थापना भएको संस्थाका महासचिव गोपाल खरेलले जानकारी दिए ।
कनकाई घाट संस्थाको नवनिर्वाचित कार्य समितिले केही दिन अघि मात्र एक कार्यक्रमका बिच पदभार ग्रहण गरेको हो । दसौं साधारणसभा तथा छैटौ अधिवेशनबाट स्थानीय सामाजिक व्यत्तित्व ख्याम मिश्रको नेतृत्वमा सर्वसम्मत निर्वाचित कार्य समितिले पदभार ग्रहण गरेको हो ।
अघिल्लो समितिमा बरिष्ठ उपाध्यक्षको कार्यकाल सम्हाली सकेका मिश्रको नेतृत्वमा निर्वाचित समितिको बरिष्ठ उपाध्यक्षमा डिल्लीराम मैनाली , उपाध्यक्षमा खेमराज कार्की ,महासचिवमा गोपाल खरेल , सचिवमा टिकाप्रसाद ्जम्मरकट्टेल र कोषाध्यक्षमा अम्बिका खरेल सर्वसम्मत चयन भएका हुन ।
त्यसैगरी संंस्थाको सदस्यहरुमा राधिका कडरिया , भरत कुमार ढकाल , दयानन्द वंसल , नरेन्द्रप्रसाद फुयाल , चन्द्र मैनाली (भतिज) , डम्बर बहादुर बस्नेत , भगवती कटुवाल , टिकाराम बराल , बृहस्पति पाण्डे , रमेश सेडाई र सरोज मैनालि सर्वसम्मत चयन भएका हुन् ।
संस्थाको लेखा समिति समेत सर्वसम्मत चयन भएको थियोे भने लेखा समिती संयोजकमा डम्बरप्रसाद फुयाल र सदस्यमा भिष्म मैनाली र डिल्लिराम पाठक रहेका छन् ।
