झापा । अखिल नेपाल महिला संघ (अनेम संघ) झापाको १०औं जिल्ला सम्मेलनबाट निर्वाचित नेतृत्वको घोषणासहित आज सपथग्रहण गराइएको छ ।
नेकपा (एमाले) झापा जिल्ला पार्टी कार्यालय बिर्तामोडमा अपरान्ह आयोजित कार्यक्रममा नवनिर्वाचित नेतृत्वलाई सपथग्रहण, प्रमाणपत्र हस्तान्तरण गरिएको हो ।
अनेम संघ केन्द्रीय उपाध्यक्ष तथा दशौं जिल्ला सम्मेलन अध्यक्ष मण्डलका अध्यक्ष मेनुका काफ्लेले नयाँ नेतृत्वलाई सपथग्रहण गराएकी हुन् । बिर्तामोडमा माघ २६–२७ गते भएको १०औं जिल्ला सम्मेलनले लीला ढुंगेल दाहालको अध्यक्षतामा ८४ सदस्यीय सर्वसम्मत नयाँ नेतृत्व चयन गरेको थियो ।
अनेमसंघ झापाको नवनिर्वाचित कमिटीको उपाध्यक्षमा रेनुका डाँगी, सिता ढुङ्गाना विक, सचिव कल्पना चम्लागाई (कोपिला), सहसचिव ललिता बस्नेत र कोषाध्यक्षमा मञ्जु बस्नेत थापा निर्विरोध चयन भएका हुन् । निर्वाचन समितिले ६ जना पदाधिकारी र ७८ जना सदस्यहरु रहेको जिल्ला कमिटी घोषणा गरेको हो ।
सपथग्रहण कार्यक्रममा नेकपा एमाले झापाका अध्यक्ष प्रेमबहादुर गिरी, बिर्तामोड नगरपालिकाका प्रमुख एवम् पार्टीको प्रदेश कमिटी सदस्य पवित्रा महतारा प्रसाई, अनेमसंघ केन्द्रीय उपाध्यक्ष मेनुका काफ्ले , पार्टी केन्द्रीय सदस्य दिपक कार्कीले बधाई तथा शुभकामना मन्तब्य व्यक्त गरेका थिए ।
अनेम संघ कोशी प्रदेशका सचिव एवम् निर्वाचन समितिका संयोजक हेमकला कट्टेलको अध्यक्षतामा आयोजित सो कार्यक्रममार्फत् सम्मेलनबाट तय गरिएका राजनीतिक तथा समसामयिक विषयवस्तु सम्बन्धी प्रस्तावहरु पारित गरेको छ । प्रस्ताव लेखन समितिको संयोजक मिना पोखरेल उप्रेतीले उक्त प्रस्तावहरु प्रस्तुत गरेकी थिइन् ।
सपथग्रहण समारोहको सञ्चालन निर्वाचन समितिका सदस्य एवम् प्रेस चौतारी नेपालका केन्द्रीय सदस्य गोपाल काफ्लेले गरेका थिए ।
जिल्ला कमिटीको सदस्यहरुमा कहाँबाट को को ?
जिल्ला कमिटीमा निर्वाचित हुने सदस्यहरूमा खुल्ला हलबाट सावित्रा ढकाल भद्रपुर, लक्ष्मी भुर्तेल बुद्धशान्ति, यमुना गौतम दमक, बालकुमारी मिश्र बाह्रदशी, निर्मला प्याकुरेल शिवशताक्षी, तुलसा काफ्ले बराल मेचीनगर, अनिता बुढाथोकी कनकाई र हेमकला सापकोटा काफ्ले मेचीनगर रहेका छन्।
यस्तै मेचीनगर भूगोलबाट निर्वाचित हुने सदस्यहरूमा जानुकादेवी ओली, दुर्गा थापा कार्की, दुर्गा अधिकारी भेटवाल, शर्मिला चम्लागाईं र निर्मला सुवेदी रहेका छन् ।
बिर्तामोड नगरपालिका भूगोलबाट चित्रलेखा पराजुली, भागीरथा आचार्य घिमिरे, पुष्पा दाहाल, कृतिका गौतम आचार्य र सङ्गीता चिमोरिया रहेका छन्।
जिल्ला कमिटीको सदस्यहरूमा दमक नगरपालिकाबाट भागीरथा उप्रेती, सुशीला अधिकारी, सीता कार्की, कृष्णकुमारी न्यौपाने र मैयादेवी आचार्य चयन भएका छन्।
यस्तै अर्जुनधाराबाट तुलसा प्रधान, दिलमाया दास, लक्ष्मी तामाङ र रन्जना कार्की, भद्रपुरबाट सुबित्रा गुरुङ, रमला अधिकारी, देवीमाया अधिकारी र मञ्जु दाहाल पोखरेल, कनकाई नगरपालिकाबाट खिना आचार्य खतिवडा, दुर्गाकुमारी भट्टराई, इश्वरा थापा र उषा दवाडी निर्वाचित भएका छन् ।
निर्वाचन कमिटीले सार्वजनिक गरेको नामावली अनुसार शिवसताक्षीबाट कोपिला चापागाईं, मुनाकुमारी तामाङ, मैनादेवी थापा र तुलसादेवी कटेल, गौरादह नगरपालिकाबाट लक्ष्मीदेवी विश्वकर्मा, भीमाकुमारी वस्ती र भीमादेवी श्रेष्ठ तथा बुद्धशान्ति गाउँपालिकाबाट टिका गौतम र बबिता चौधरी निर्वाचित भएका छन्।
जिल्ला कमिटीमा निर्वाचित सदस्यहरूमा कचनकवल गाउँपालिकाबाट पवित्रादेवी पोखरेल र भागीरथा प्याकुरेल, झापा गाउँपालिकाबाट यमुना पोखरेल र रमा कार्की, हल्दीबारी गाउँपालिकाबाट पवित्रा रेग्मी र कमला उप्रेती खरेल, बाह्रदशी गाउँपालिकाबाट गीता संग्रौला र टंकमाया धिताल, कमल गाउँपालिकाबाट मनमाया सिटौला र सिर्जना निरौला तथा गौरीगञ्ज गाउँपालिकाबाट चन्द्रिकाकुमारी भट्टराई र मनिका राई सर्वसम्मत निर्वाचित भएका छन् ।
जिल्ला कमिटीमा समावेशी क्षेत्रबाट १८ देखि ३० वर्ष उमेर समूहका युवाबाट आरती राजवंशी मेचीनगर, उषा बस्नेत बिर्तामोड, अनुषा भण्डारी हल्दीबारी र मनिषा थापा दमक निर्वाचित भएका छन्।
समावेशी क्षेत्र अन्तर्गत आदिवासी जनजातितर्फ अनिता थापा सोङ्गम्यान मेचीनगर, कृष्णमाया चौधरी बिर्तामोड, माया लिम्बु बिर्तामोड, एलिना राई शिवसताक्षी र सुस्मिता धिमाल दमक निर्वाचित भए ।
समावेशी क्षेत्र दलित क्लस्टरबाट निर्वाचित सदस्यहरूमा बिमला खाती दियाली मेचीनगर, मालती विश्वकर्मा बिर्तामोड, कृष्णकुमारी परियार बाह्रदशी, कल्पना विश्वकर्मा कनकाई निर्वाचित भए ।
यस्तै समावेशी क्षेत्र मधेसी क्लस्टरबाट इन्दिराकुमारी राजवंशी गौरादह र अपाङ्गता सीमान्तकृत पिछडा वर्ग एवं लोपोन्मुख क्लस्टरबाट लुखी टुडु निर्वाचित भएका छन् ।
