बिर्तामोड \ नेपाल आदिवासी जनजाति पत्रकार महासंघ (फोनिज) झापाको अध्यक्षमा अर्जुन राजवंशी निर्वाचित भएका छन् / शनिवार बिर्तामोडमा भएको फोनिजको सातौ जिल्ला अधिवेशनले राजवंशीको नेतृत्वमा आगामी तीन वर्षे कार्यकालका लागि नयाँ कार्यसमिति सर्वसम्मत चयन गरेको हो ।
समतिको उपाध्यक्षमा तिलक योञ्जन, सचिव सन्तोष बेघा, सह–सचिव भारती राई र कोषाध्यक्षमा नरेश गुरुङ चयन भएका छन् । यसैगरी सदस्यहरुमा सुरेश आले मगर, रविकिरण बान्तवा, विष्णुकुल श्रेष्ठ, सुजन राई, सौरभ मुखिया‘, मिना नेम्बाङ, सुमन बेघा र डिके शेर्मा रहेका छन् ।
अधिवेशनले केन्द्रीय महाधिवेशन प्रतिनिधिमा दीपिन राई, गणेशमान मुखिया , भूमिका फियाक , विशाल नेम्बाङ, इन्द्रसिंह राजवंशी, आनन्द गुरुङ, दिलकुमार लावती र सुशन राई महाधिवेशन प्रतिनिधिमा चयनगरेको छ ।
फोनिज झापा अध्यक्ष भूमिका फियाकको अध्यक्षतामा भएको कार्यक्रम फोनिजका संघीय उपाध्यक्ष कमन देवानको प्रमुख आतिथ्य रहेको थियो । कार्यक्रममा स्व. डिकमान विरही स्मृति पत्रकारिता पुरस्कारबाट विष्णु सुब्बालाईं पुरस्कृत गरिएको थियो भने उदीयमान पत्रकारिता पुरस्कार रविकिरण बान्तवा राई र सुजन राईलाई प्रदान गरिएको छ । सो अवसरमा रजत वर्ष स्मारिकासमेत विमोचन गरिएको थियो ।
