कनकाई खबर \ होटल डिलाईट र अमेरिकी भुतपुर्व सैनिक आशिष संग्रौलाद्धारा यहाँस्थित सुरुङ्गामा आयोजित कनकाई वार्डस्तरीय दसैतिहार कप फुटबल प्रतियोगिताको उपाधि कनकाई ३ ले हात पारेको छ ।
बुधबार सम्पन्न फाईनल खेलमा ३ नम्बरले ५ लाई १—० गोल अन्तरले पराजित गर्दै उपाधि जितेको हो । उपाधिसँगै कनकाई ३ ले सबैभन्दा ठुलो धनराशीको वार्डस्तरीय फुटबलको उपाधि रक्षा गरेको हो । ३ नम्बरले उपाधिसँगै नगद ७१ हजार रुपैँया प्राप्त गर्यो भने उपबिजयी हुने टिम ५ नम्बरले नगद ३५ हजारमा चित्त बुझायो ।
कनकाई ३ को लागि आज पनि क्षितिज कुँबर नायक बने । खेलेका सबै खेलमा म्यान अफ द म्याच बन्न सफल कुँवरले आजपनि आफ्नो टिमका लागि खेलको १९ औ मिनेटमा सुन्दर गोल गर्दै टिमलाई बिजयी बनाए । कुँबरले छातीले वल रोक्दै अगाडि बढाएर सोझै गोल पोस्टमा वल छिराएका थिए । क्षितिजले आजको खेलको पनि म्यान अफ द म्याच हँुदै नगद १ हजार ५ सय प्राप्त गरे /
बिजयी हुने टिम तथा उपबिजयी हुने दुबै टिमलाई कार्यक्रमका प्रमुख अतिथि झापा क्षेत्र नम्बर ४ का सांंसद एलपी साँबा लिम्बु, प्रदेश सांसद राधाकृष्ण खनाल, कनकाई नगरपालिकाका प्रमुख राजेन्द्रकुमार पोखरेल, उपप्रमुख आशा शिवाकोटी , संविधानसभा सदस्य अम्बिका राजवंशी, कनकाई ३ का वडाअध्यक्ष युवराज चम्लगाई, आयोजक समितिका ख्याम ओली, आशिष संग्रौला, नविन सुवेदी लगायातले नगद र ट्रफि प्रदान गरे ।
यसैगरी यस खेलमा विधागत तर्फको सर्वोत्कृष्ट खेलाडी कनकाई ३ का आदित्य बाँनीया घोषित भए । उनले नगद ५ हजार प्राप्त गरे । यसैगरी हाईस्कोरकर्ताका रुपमा कनकाई ५ का रोचन लिम्बु घोषित भए । उनले समेत नगद ५ हजार रुपैँया प्राप्त गरे । यसैगरी उत्कृष्ट गोलकिपर कनकाई ३ का विवेक वाग्ले र उत्कृष्ट डिफेन्डर कनकाई ३ कै विशाल मुर्मू घोषित भए । उनले समेत नगद ५ हजार प्राप्त गरे ।
आजै कनकाई नगरपालिका क्षेत्रबाट खेल खेलेर हाल राष्ट्रिय टिमबाट प्रतिनिधित्व गरिरहने पुरुष फुटबलका राष्ट्रिय खेलाडी रोहन कार्की र महिला तर्फकी खेलाडी सिम्रन राईलाई समेत नगद ५ हजार सहित सम्मान गरिएको थियो ।
कार्तिक ९ देखि सुरु भई आज १४ मा समापन भएको प्रथम वडास्तरीय दशैं तिहार कप (नकआउट) फुटबल प्रतियोगिताको मुख्य प्रायोजक हाल अमेरीका बस्दै आएका खेलप्रेमी स्थानीय युवा आशिष संग्रौला, अमेरीकास्थित नेप्लीज मिल्ट्री भेट्रान्स क्लव र दारी क्लव युएसए रहेको बताइएको छ । त्यस्तै प्रायोजकका रुपमा युएसए आर्मी नविन सुवेदी सहित बद्री संग्रौला, आकाश संग्रौला, ओजिस उप्रेती, क्रिस्टल कडेँल, योगेश आचार्य र संदिप वास्तोला रहेका छन् ।
