शिवसताक्षी \ झापाको दोमुखामा पौडी खेल्ने क्रममा एकजनाको मृत्यु भएको छ भने एक जना बेपत्ता भएका छन् ।
भद्रपुर नगरपालिका वडा नम्बर ५ बस्ने १५ वर्षीय फिरु शेखको मृत्यु भएको छ । । उनीसंगै हराइरहेका भद्रपुर ५ कै १५ वर्षीय उज्जवल राईको खोजी भइरहेको छ । शेखको पौडी खेलेको स्थान भन्दा ५० मिटर तल पानीमा घोप्टो परेको अवस्थामा शव भेटिएको हो । उनका साथी त्रिकुमार राजवंशी र स्थानीय बासीले खोज्ने क्रममा शव फेला पारेका थिए । भद्रपुरबाट ४ जना विहान ११ बजे घुम्नका लागि दोमुखा आइपुगेका थिए । दिउँसो २ बजे पौडी खेल्ने क्रममा २ जना अचानक हराए । मृतकका साथी त्रिकुमार राजवंशीले भने चारैजना पौडी खेलीरहेका थियौ ।
दुईजना साथी अचानक हराए । एकजना साथीलाई पानी घुमाउँदै गरेको देखेँ , गएर तान्न खोजेँ तर सकिन । घुमाउने पानी भएकाले भित्र कहाँ लग्यो पत्तै भएन । उनका अनुसार हराइरहेको उज्वल राईको २२ गते जन्म दिन परेको थियो । उनले भने, जन्म दिन मनाउन उसले हामीलाई दोमुखा घुमाउन ल्याएको हो । अब साथी हरायो, एक जनाको मृत्यु भईसक्यो, कसरी घर जानु ।
किशोर भद्रपुर माध्यमिक विद्यालयमा अध्ययनरत विद्यार्थी हुन् । बेपत्ता राईलाई स्थानीय बासी, प्रहरीले खोजिरहेको छ।
