कनकाई खबर \ कनकाई नगरपालिका नगर खेलकुद विकास समितिको आयोजनामा कनकाईको आदर्श विद्यामन्दिर मावि घैलाडुवाको खेल मैदानमा अन्तर विद्यालयस्तरीय खेलकुद महोत्सव तथा बाह्रौं राष्ट्रपति रनिङ्ग शिल्ड प्रतियोगिता संचालन भएको छ ।
विभिन्न किसिमका प्रतियोगितात्मक खेलकुदका कार्यक्रमहरु संचालन भएको प्रतियोगितामा कनकाई नगरका निजी तथाा सामुदायिक गरी १८ वटा विद्यालयको सहभागिता रहेको नगर खेलकुद विकास समितिका अध्यक्ष रविन्द्र लम्सालले वताएका छन् । प्रतियोगितामा विद्यालयस्तरीय भलिबल, मार्सल आर्ट, कबडी, कराँते लगायत अन्य एथलेटिक्ससँग सम्वन्धित खेलहरु संचालन गरिएको वताइएको छ । सवै खेलहरुको विजेतालाई प्रजातन्त्र दिवसको अवसरमा फागुन ७ गते बुधवारका दिन हुने फाइनल खेलको समापनपछि मेडल तथा प्रमाण पत्र वितरण गरिने आयोजक समितिले जनाएको छ । कनकाई नगर खेलकुद विकास समितिका अध्यक्ष लम्सालको सभापतित्वमा संचालन भएको प्रतियोगिताको सोमवार एक विशेष कार्यक्रमका विच कनकाई नगरपालिकाका प्रमुख राजेन्द्रकुमार पोखरेलले उद्घाटन गरेका हुन् । 
आदर्श विद्यामन्दिर मावि घैलाडुवाका प्रधानाध्यापक एवम् राष्ट्रपति रनिङ शील्ड कनकाईका सञ्चालन समिति संयोजक धर्मानन्द निरौलाले स्वागत मन्तव्य राखेको उद्घाटन समारोहमा कनकाई नगरपालिकाकी उपप्रमुख मन्जु प्रसाईँसहित सवै वडाका जनप्रतिनिधी, विभिन्न संघसंस्था साथै राजनितिक दलका प्रमुख तथा प्रतिनिधी, कनकाई नगरपालिकाका विभिन्न शाखाका प्रमुख तथा कर्मचारीहरुको उपस्थिती रहेको वताइएको छ । आदर्श विद्यामन्दिर मावि घैलाडुवाका शिक्षक सुशिलकुमार श्रेष्ठ र नगर खेलकुद विकास समितिका सदस्य जविन तिम्सिनाले संयुक्त रुपमा उद्घाटन समारोहको संचालन गरेका थिए ।
