रिजन तिम्सिना,
कनकाई खबर \ लायन्स क्लब अफ कनकाई दुर्गापुरले एकै दिन दुईवटा विद्यालयमा निशुल्क आँखा शिविर संचालन गरेको छ ।
मेची आँखा अस्पताल सैनिकमोडको प्राविधिक सहयोग र आई केयर फाउण्डेसनको सहयोगमा कनकाई १ स्थित मर्निङ ग्लोरी र कनकाई २ स्थित पन्चकन्या प्राविमा निशुल्क आँखा परिक्षण शिविर संचालन गरिएको हो । आँखा परिक्षणसँगै आवश्यकता अनुसार निशुल्क चस्मा वितरण समेत गरिएको लायन्स क्लब अफ कनकाई दुर्गापुरका अध्यक्ष तिलचन रिजालले जानकारी दिए । शिविरमा विद्यार्थी र अभिभावक सहित तीनसय बढिले सेवा लिएको बताइएको छ ।
लायन्स क्लब अफ कनकाई दुर्गापुरका अध्यक्ष तिलचन रिजालको अध्यक्षता एवं लायन्स वर्ष २०२४\ २५ का डिस्ट्रिक गभर्नर लायन विकास अधिकारीको प्रमुख आतिथ्य रहेको शिविरमा प्रथम उपजिल्ला गभर्नर लायन बोबोरजङ्ग थापा, दोस्रो उपजिल्ला गभर्नर लायन लिलाप्रसाद चिमरिया, मन्त्रिपरिषद सचिव लायन उदयनारायण बराल, क्लबका संस्थापक अध्यक्ष दीपक खतिवडा, लायन्स क्लब अफ कनकाई सुरुङ्गाका अध्यक्ष रुपनारायण खतिवडा,मर्निंग ग्लोरीका संस्थापक अशोक न्यौपाने र गोमा न्यौपाने, कनकाई धाम धार्मिक विकास संस्थाका अध्यक्ष शेरवहादुर थापा, जामुनबारी सामुदायिक वनका अध्यक्ष परशुराम गिरी लागायतको सहभागीता रहेको कार्यक्रमको संचालन लायन्स क्लब अफ कनकाई दुर्गापुरका सचिव दिपक ओलीले गरेका थिए ।
