कनकाई खबर \ झापाको कनकाई ७ स्थित सरस्वती वडा बाल संजालको अध्यक्षमा रिजन तिम्सिना सर्वसम्मत भएका छन् ।
कनकाईको वडा नं.७ स्थित फक्तालुङ एजुकेसन फाउण्डेशनको सभा हलमा सम्पन्न वडास्तरीय बाल संजालको पुनर्गठन तथा बालमैत्री अभिमुखीकरण कार्यक्रमका अवसरमा तिम्सिनाको अध्यक्षतामा १२ सदस्यीय समिति सर्वसम्मत रुपमा चयन भएको हो । अध्यक्ष तिम्सिनासँगै उपाध्यक्षमा सुलभ रिमाल, सचिवमा अम्बिका गोस्वामी, सहसचिवमा सरोज रिजाल कोषाध्यक्षमा रेशमा घिमिरे सर्वसम्मत भएका छन । त्यस्तै सदस्यहरुमा शिखा सेन्चुरी , निरज सुवेदी , धिरज न्यौपाने , दिक्मला लामिछाने , आयुशा बस्नेत , सागर गौतम , मुक्साम नेम्बाङ रहेको नवनिर्वाचित अध्यक्ष तिम्सिनाले जानकारी दिए ।
सुप्रीम पौडेलको अध्यक्षतामा भएको कार्यक्रमको प्रमुख अतिथि कनकाई ७ का वडा सदस्य निर्मल आङथुपो, विशिष्ट अतिथी कनकाई नगरपालिकाका बाल कल्याण अधिकारी उमानाथ ढकाल, फक्तालुङ एजुकेसन फाउण्डेशनका विद्यालय व्यवस्थापन समिती अध्यक्ष दुर्गा नेम्बाङ , विद्यालयका प्रिन्सिपल ओम बिक्रम नेम्वाङ ,जनकल्याण समाज दुर्गापुरका अध्यक्ष लिलाबहादुर कन्दङ्वा लगायत वडाका अन्य जनप्रतिनिधिहरु सहित विभिन्न संघसंस्थाका प्रतिनिधिहरुको समेत उपस्थित रहेको बताइएको छ । कार्यक्रममा नगर बाल संजालबाट समेत प्रतिनिधित्व रहेको थियो ।
