कनकाई खबर \ नेपाल महिला संघ कनकाई नगर समितिको आयोजनामा शुभकामना आदान—प्रदान तथा अन्तरक्रिया कार्यक्रम सम्पन्न भएको छ ।
महिला संघको ७७औं स्थापना दिवसको अवसर पारेर कार्यक्रमको आयोजना गरिएको हो । महिला संघ कनकाई नगर उपसभापति सीता खड्काको सभापतित्वमा सम्पन्न कार्यक्रममा झापा क्षेत्र नं.—४ प्रदेश सभा सदस्य लखी गणेशको प्रमुख आतिथ्य रहेको थियो । नेपाली कांग्रेस कनकाई नगर समितिको पार्टी कार्यालयमा आयोजित कार्यक्रममा कनकार्इ नगरका सम्पूर्ण वडा तथा क्षेत्र नंं—४ का महिला नेतृहरुको सहभागीत रहेको थियो ।महासमिती सदस्यहरु धनमाया चिमरिया, सीता थेबे, कनकाई ८ का वडा अध्यक्ष लिलाबहादुर कटुवाल, जिल्ला सदस्यहरु शिव कडेल, सुर्य गुरुङ, नगर सभापति दुर्गाप्रसाद प्रसाईं, सचिव रेणुप्रसाद कडेल, वडा सभापति मनोज बस्नेत, महिला संघ जिल्ला सचिव वर्षा श्रेष्ठ, क्षेत्रीय सचिव ग्रीषा रावल लगायतले शुभकामना मन्तव्य राखेका थिए ।
प्रमुख अतिथि गणेशले नेपाल महिलासंघका संस्थापक स्व. मङलादेवी सिंहको तस्बिरमा माल्यार्पण गरेर समुद्घाटन गरेकी थिइन्। नगर उपसभापति कविता श्रेष्ठले स्वागत मन्तव्य राखेको कार्यक्रममा उपसभापति भवानी शिवाकोटीले औचित्यमाथि प्रकाश पारेका थिए ।
झापा निर्वाचन क्षेत्र नं.—४ प्रदेश (ख) सभापति ख्यामराज सिटौला, नगर उपसभापती सन्तोष रायमाझी, महिला संघ क्षेत्रीय कोषाध्यक्ष निर्मला बस्नेत, पुर्व महासमिती सदस्य दयानन्द वंशल लगायतको सहभागिता रहेको कार्यक्रमको संचालन वडा नंं ४ का उपसभापति गीता खरेलले गरेकी थिइन् ।
