कनकाई खबर / रोटरी क्लव अफ सुरुङ्गाले क्लवका पदाधिकारीका लागि क्लव अफिसर ट्रेनिङ सेमिनार(कट्स) सम्पन्न गरेको छ ।
क्लवमा आवद्ध पदाधिकारी तथा सदस्यहरु साथै नवआगन्तुक रोट्रयाक्टर साथै रोटरीयनहरुलाई क्लवको इतिहास काम, कर्तव्य र अधिकारका बारेमा जानकारी गराउने उद्येश्यका साथ तालिम आयोजना गरेको जनाइएको छ । क्लवका अध्यक्ष लुवराज उप्रेतीको अध्यक्षतामा सम्पन्न सेमिनारमा रोटरी इन्टरनेशनल डिस्ट्रीक ३२९२ का असिस्टेन्ट गभर्नर विनोद बस्नेतको प्रमुख आतिथ्य रहेको थियो ।
क्लवका पुर्व अध्यक्ष समेत रहेका रोटरी वर्ष २०२४/२५ का एसिस्टेन्ट गभर्नर कुमारमणि पोखरेल सहितको उपस्थिती रहेको सेमिनारमा रोटरी रिजन ७ का ट्रेनिङ चेयर बद्री कटुवाल, ट्रेनिङ कोचेयर सन्दिपदिपु चापागाई, ट्रेनिङ कमिटी सदस्य विनोद चापागाईँले सहजीकरण गरेका थिए ।
ट्रेनिङ चेयर कटुवालले रोटरीको परिचय सहित क्लवका अध्यक्ष, सचिव र क्लव एडमिनिस्ट्रेशनको काम, कर्तव्य र अधिकारका बारेमा जानकारी गराएका थिए । त्यस्तै कमिटी सदस्य विनोद चापागाईँले कोषाध्यक्ष, पब्लीक इमेज र सर्जन एट आर्मसको बारेमा साथै ट्रेनिङ कोचेयर सन्दिपदिपु चापागाईले सर्भिस प्रोजेक्ट चेयर, मेम्बरसिप चेयर र टिआरएफले गर्ने काम, कर्तव्य र अधिकारका बारेमा सहजीकरण गरेका थिए । कार्यक्रममा सहभागी क्लवका सदस्य दिपक कुँवर र रोट्रयाक्ट क्लवकी सदस्य सारदा कारकले अफिसर ट्रेनिङका विषयमा आ—आफ्नो अनुभव सुनाएका थिए ।
रोटरीले आफ्ना सात वटा फोकस एरियाहरु शान्ति तथा द्वन्द ब्यवस्थापन, रोग नियन्त्रण तथा उपचार, खानेपानी तथा सरसफाई, मातृशिशुु तथा स्वास्थ्य, प्राथमिक शिक्षा तथा साक्षरता, आर्थिक ,सामाजिक विकास तथा वातावरणमा सहयोग गर्दै आएको सेमिनारका प्रमुख अतिथी एसिस्टेन्ट डिस्ट्रीक गभर्नर विनोद बस्नेतले जानकारी दिए । यसका कार्य क्षेत्रहरु पनि विस्तृत रहेको बताउँदै प्रमुख अतिथी बस्नेतले रोटरीले विश्वमै पोलियो उन्मुलनमा महत्वपूर्ण भूमिका निर्वाह गरेको बताए ।
रोटरी साथै रोट्रयाक्ट क्लव अफ सुरुङ्गाका पदाधिकारी एवं सदस्यहरुको सहभागीता रहेको कार्यक्रममा रोटरीका पूर्व अध्यक्षहरु टिकाप्रसाद कट्टेल, सुशिलकुमार श्रेष्ठ, खेमप्रसाद प्रसाईँ, निवर्तमान अध्यक्ष शिवकुमार कडेल, रोट्रयाक्ट क्लव अफ सुरुङ्गाका अध्यक्ष प्रतापबाबु जमरकट्टेल लगायतले क्लवसँग सम्बन्धित आ—आफ्नो धारणा राखेका थिए । क्लवका पुर्व अध्यक्ष खेमप्रसाद प्रसाईँले संचालन गरेको औपचारिक कार्यक्रममा प्रेसिडेन्ट इलेक्ट डिल्लीराम मैनालीले भोट अफ थ्याङस प्रस्तुत गरे ।