कनकाई खबर । सिभिल बैंकले आफ्ना ग्राहकलाई दिँदै आएको स्वास्थ्य बीमा अन्तर्गतको ३५ हजार ४१९ रुपैयाँ चेकमार्फत भुक्तानी गरेको छ ।
बैंकले सुरुङ्गा शाखामा ‘सम्मान बचत खाता’ खोलेका दिव्यरत्न अंग्रेजी माविमा कार्यरत शिक्षक धनकुमारी प्रसाईँको स्वास्थ्य बीमा अन्तर्गत उक्त रकम भुक्तानी गरेको हो । बैंकिङ् कारोवार गर्दा थप सुविधा समेत पाउँने भएपछि विद्यालयले केही महिनाअघिदेखि आफ्ना सम्पूर्ण शिक्षक शिक्षिका तथा कर्मचारीहरुको सिभिल बैंकमा खाता खोलेर तलब भुक्तानी दिँदै आएको विद्यालयका संस्थापक प्रिन्सिपल सागर ढुङ्गानाले वताएका छन् ।
बैंकमा कारोवार गरेकै आधारमा ग्राहकले स्वास्थ्य उपचार सेवा पाउँने भएपछि सिभिल बैंकमा खाता संचालन गर्न कर्मचारीहरुको संख्या बढ्दै आएको बैंकले जनाएको छ । बैंकले केही महिना अगाडिदेखि ‘सम्मान बचत खाता’मा आकर्षक ब्याजका साथै औषधोपचार खर्चमा १ लाख रुपैयाँसम्म र दुर्घटनामा मृत्यु भएमा ७ लाख रुपैयाँसम्मको बीमा सुबिधा प्रदान गर्ने योजना ल्याएको सुरुङ्गा शाखा प्रमुख प्रकाश निरौलाले जनाएका छन् । जसका लागि निश्चित रकम खातामा राख्नैपर्ने भन्ने बाध्यता नभएको निरौलाले वताए ।
सिभिल बैंकले आधुनिक प्रविधियुक्त बैंकिङ सेवा तथा सुविधामा विशेष ध्यान दिँदै ग्राहकसेवालाई निरन्तर रुपमा चुस्त दुरुस्त र सुरक्षित बनाउँदै लैजाने योजना सहित अघि बढेका कारण पनि छोटो समयमा ग्राहकको मन जित्न सफल भएको शाखा प्रमुख निरौलाको ठहर छ । हालसम्म बैंकले एकसय बढी शाखामार्पmत सेवा प्रदान गरिरहेको वताइएको छ ।
