कनकाई खबर, दुधे \ सतासीधाम जेसीजको सातौ पद हस्तान्तरण कार्यक्रम शनिवार सम्पन्न भएको छ ।
सन् २०१९ का अध्यक्ष दिनेश बारकोटीले आफ्नो गलामा भएको चेन सन् २०२० का अध्यक्ष कुमार सिंह साँवा (लिम्बू ) लाई हस्तान्तरण गरेसँगै साँवाले पदभार ग्रहण गरेका हुन् ।
पद हस्तान्तरणसँगै वर्ष २०१९ का अध्यक्ष बारकोटीले आफ्नो कार्यकालमा अधुरा रहेका कामहरु वर्ष २०२० मा निवर्तमान अध्यक्षको रुपमा रहेर पनि अगाडी गरिएका बाचा पुरा गर्ने प्रतिवद्धता जनाएका छन् । सतासीधाम जेसीज सन् २०१९ का अध्यक्ष वारकाटीको सभापतित्वमा पहिलो सत्र र पद तथा गोपनियताको सपथ लिएपछिको दोश्रो सत्र २०२० का अध्यक्ष सावाँको सभापतित्वमा भएको थियो ।
साँवाले पदभार ग्रहण गरेपछि मन्तव्य राख्दै जेसीज भनेको सुकिला, मुकिला र धनाढ्यहरुको मात्र संस्था हो भन्ने गरिएको आरोप वर्ष २०२० को आफ्नो टिमले चिर्ने बताएका छन् । सतासीधाम जेसीज स्थापनाकाल २०१२ देखि नै सदस्य हँुदैं वर्ष २०१६ मा उपाध्यक्ष, वर्ष २०१७ मा तालिम संयोजक, वर्ष २०१८ मा कार्यकारिणी उपाध्यक्ष र वर्ष २०१९ मा महासचिव हुँदै वर्ष २०२० मा अध्यक्ष बन्न सफल साँवाले वर्ष २०२० लाई, “सबल व्यक्तित्व तथा नेतृत्व विकास र सामाजिक रुपान्तरणका लागि सतासीधाम जेसीज वर्ष २०२० ” भन्ने प्रमुख प्रकरण (थिम) र अभियानका साथ सतासीधाम जेसीजलाई नेतृत्व गर्ने प्रतिबद्धता व्यक्त गरेका छन् । विगत लामो समयदेखी विभिन्न शैक्षिक तथा सामाजिक क्षेत्रमा समेत क्रियाशिल रहेका साँबा एक सामाजिक अभियन्ताका रुपमा युवाहरुका विच लोकप्रिय मानिन्छन् । 
कार्यक्रमका प्रमुख अतिथी नेपाल जेसीजका राष्ट्रिय अध्यक्ष असोक शंखरले युवालाई व्यवसायीक उद्यममा अग्रसर गराउन नेपाल जेसीज वर्ष २०२० को राष्ट्रिय टिम अघि वढेको बताए । जेसीजले सृजनशिलता तालिम प्रदान गरेर युवा शक्तिलाई आयमुलक काममा लगाउन कार्ययोजनाका साथ अघि बढेको बताउँदै राष्ट्रिय अध्यक्ष शंखरले सतासीधाम जेसीजको पनि यो अभियानमा साथ र सहयोग रहने विश्वास व्यक्त गरेका छन् । युवाहरुको नेतृत्व विकास गर्ने पाठशालाका रुपमा जेसीज भएको बताउदै उनले सवैसँग समन्वय र सहकार्य गरेर नेतृत्व विकासमा अघि वढ्न नव निर्वाचित कार्यसमितिलाई आग्रह गरेका छन् ।
कार्यक्रममा पुर्व सांसद तारासम याङया, नेपाली काँग्रेसका नेता देउमान थेवे, सतासीधाम जेसीजको मातृशाखा सुरुङ्गाा जेसीजका पूर्व अध्यक्ष जविन तिम्सिना लगायतले शुभकामना मन्तव्य राखेका थिए । लिम्बु समुदायको च्याब्रु«ङ र नौमतीबाजाले कार्यक्रमका अतिथीहरुलाई स्वागत गरेको थियो ।
सतासीधाम जेसीजका पूर्व अध्यक्ष एवम् निर्वाचन मण्डलका संयोजक महेन्द्र भट्टराईले सन् २०२० को निर्वाचित कार्यसमितिको घोषणा गरे भने नवनिर्वाचित अध्यक्ष साँवाले मनोनीत पदाधिकारी तथा सदस्यहरुको घोषणा गरेका थिए । यसरी सर्वसम्मत भएका अन्य पदाधिकारीहरुमा कार्यकारिणी दुई उपाध्यक्षमा क्रमशः जेसी अर्जुन भट्टराई तथा सिकिन पासवन र चार उपाध्यक्षमा जेसी गोपाल(जिएन) नेयोङ, भिम बहादुर बोहोरा, गणेश अधिकारी र विश्व विक्रम दाहाल रहेका छन् । त्यस्तै जनसम्पर्क अधिकारीमा सुर्य प्रकाश योङया निर्वाचित भएका थिए । 
साँवाले माहासचिवमा विवेक ढकाल, कोषाध्यक्षमा निर्मला प्रधान श्रेष्ठ, कानुनी सल्लाहकारमा लेखनाथ अधिकारी र तालिम संयोजकमा असोक वस्नेत लाई मनोनयन गरेका छन । यस्तै मनोनित भएका विभिन्न विधागत उपसमितिका संयोजक सहित ५९ सदस्यीय कार्यसमिति सर्वसम्मत रुपमा चयन भएको वताइएको छ । सन् २०१९ का कार्यकारिणी उपाध्यक्ष निरोज दुलालले स्वागत गरेको कार्यक्रममा सदस्य नरेश अधिकारीले जेसीज मिसन एण्ड भिजन प्रस्तुत गरेका थिए भने आस्थावाचन निर्मला प्रधानले गरेकी थिईन् ।
