कनकाई खबर \ झापाको कनकाई—६ स्थित हरिशरण किर्तन मण्डलीको नवौं साधारण सभा एवं ३१ औं वार्षिकोत्सव सम्पन्न भएको छ ।
मण्डलीकी अध्यक्ष कमला गौतमको सभापतित्व एवं कनकाई वडा नं.—६ का वडाअध्यक्ष दिर्घवहादुर थापाको प्रमुख आतिथ्य रहेको साधारण सभामा किर्तन भजन सहित विभिन्न साँस्कृतिक नृत्य प्रस्तुत गरिएको थियो । हरिशरण किर्तन मण्डली सहित आमन्त्रीत अन्य मण्डलीहरुले समेत अत्यन्तै रमाइलो प्रस्तुती दिएका थिए । किर्तन मण्डलीहरुको रमाइलो प्रस्तुतीले कार्यक्रमका अतिथीहरुलाई समेत छमछमी नचाएको थियो
कार्यक्रमकै अवसरमा लामो समयदेखी मण्डलीमा आवद्ध भएर सहयोग गर्दै आएका मण्डलीका जेष्ठ पुरुष अभिभावक इन्द्रप्रसाद नेपाल र जेष्ठ महिला अभिभावक नरमाया कडरीयालाई दोसल्ला ओढाएर सम्मान पत्रका साथ विशेष सम्मान गरिएको हरिशरण किर्तन मण्डलीका सचिव राजेन्द्रकुमार नेपालले जानकारी दिए ।
सोही अवसरमा साप्ताहिक रुपमा नियमित भइरहेको किर्तन भजनमा सतप्रतिशत उपस्थित जनाउँने हरिषचन्द्र बाह्रकोटी र कुलप्रसाद रिमाल, त्यस्तै स्वतस्फुर्त भजन गाउँन सधैं उत्सुक हुने नवभजन गायीका कविता ढुङ्गानालाई समेत पुरस्कृत गरियो ।
कार्यक्रममा मण्डलीकी अध्यक्ष कमला गौतमले भावी योजना सहितको प्रगति प्रतिवेदन प्रस्तुत गरेकी थिइन् ।त्यस्तै सचिव राजेन्द्रकुमार नेपालले आर्थिक प्रतिवेदन प्रस्तुत गरेका थिए ।
मण्डलीका उपाध्यक्ष फडेन्द्र ढुङ्गानाले स्वागत गरेको कार्यक्रममा प्रमुख अतिथी समेत रहेका वडा नं.६ का वडाअध्यक्ष दिर्घवहादुर थापा, पदमप्रसाद ओली, इन्द्रप्रसाद नेपाल, विष्णुप्रसाद नेपाल, महेन्द्र आचार्य, जनकप्रसाद दाहाल, वडा नं.६ का वडासदस्य अर्जुनकुमार राजवंशी लगायतले शुभकामना मन्तव्य राखेका थिए । कार्यक्रमको संचालन सचिव राजेन्द्रकुमार नेपालले गरेका थिए ।
