कनकाई खबर / क्यान्सर दिवसको अवसरमा झापाको कनकाई नगरपालिका सम्मानित भएको छ ।
नेपाल क्यान्सर फाउण्डेशन एवं रोटरी क्लव अफ विर्तामोड मिडटाउनको संयुक्त आयोजना साथै पुर्वाञ्चल क्यान्सर अस्पतालको प्राविधिक सहयोगमा सम्पन्न क्यान्सर सचेतनामूलक अन्तरक्रिया कार्यक्रमका अवसरमा कनकाई नगरपालिकालाई सम्मान गरेको हो ।
नगर भित्र सुर्तीजन्य पदार्थ प्रयोग तथा बेचबिखनमा प्रतिवन्ध लगाएर क्यान्सर जस्तो रोग न्युनीकरणमा सहयोग गरेको भन्दै कनकाई नगरपालिकालाई सम्मान गरिएको हो । नगरपालिकाको तर्फबाट नगर प्रमुख राजेन्द्रकुमारपोखरेल र उप–प्रमुख आशा शिवाकोटीलाई आयोजक संस्थाले सम्मान गरेको हो ।
आयोजक संस्थाको तर्फबाट रोटरीयन एवं पुर्वाञ्चल क्यान्सर अस्पतालका मेडिकल डाइरेक्टर डा.विरेन्द्रकुमार यादव र रोटरी क्लवअफ विर्तामोड मिडटाउनका अध्यक्ष सिद्धार्थ नविन उप्रेतीले सम्मान पत्र सहित सम्मान गरेका हुन् ।आयोजक समितिले क्यान्सर दिवसका अवसरमा बिर्तामोडमा झापाका केही स्थानीय तहका प्रमुख साथै विभिन्न सामाजिकं संघ संस्थाका प्रमुख तथा प्रतिनिधिहरुको उपस्थितिमा क्यान्सर सम्बन्धी सचेतना साथै अन्तरक्रिया आयोजना गरेको थियो ।
अन्तरक्रिया कार्यक्रममा सामाजिक अभियन्ता तथा सहारा नेपाल साकोस बिर्तामोड–२ का कार्यकारी प्रमुख महेन्द्रकुमार गिरी, कनकाई नगर प्रमुख पोखरेल, बिर्तामोड नगर प्रमुख पवित्रा महतरा प्रसाई, अर्जुनधारा नगर उपप्रमुख खड्गमाया पराजुली, त्तमेचीनगर नगर प्रमुखगोपालचन्द्र बुढाथोकी, शिवसताक्षीनगरप्रमुख मेगाहङ थोप्रालगायतले आ–आफ्नो धारणा प्रस्तुत गरेका अस्पतालका जनसम्पर्क अधिकारी प्रमिशगिरीले जानकारी दिए ।
रोटरी क्लवका असिस्टेन गर्भनर शुभकुमाई पाठकले सहभागी सबैलाई स्वागत सहित औचित्यमाथि प्रकाश पारेको कार्यक्रमको सहजीकरण क्लवका पुर्व अध्यक्ष शिवकुमार अग्रवालले गरेका थिए ।
