कनकाई खबर / मकर संक्रान्तीको अवसरमा परम्परागत रुपमा संचालन हुँदै आएको कनकाई माईमेलाको मंगलवार विधिवत रुपमा उद्घाटन भएको छ ।
भ्रमण बर्ष २०२०लाई समेत मध्यनजर गर्दै पवित्र कनकाई नदिको पूर्वि किनारामा लाग्दै आएको माइमेलाको झापाका प्रहरी प्रवक्ता डिएसपी महेन्द्रकुमार श्रेष्ठ र कनकाई नगरपालिकाका प्रवक्ता गोविन्द पौडेलले संयुक्त रुपमा उद्घाटन गरेका हुन् । उद्घाटन कार्यक्रमलाई सम्वोधन गर्दै कनकाई नगरपालिकाका प्रवक्ता पौडेलले माइमेलालाई सव्य र भव्य रुपमा सम्पन्न गर्न स्थानीय संघसंस्था, राजनीतिक दल , जनप्रतिनिधीसहितको भूुमिकका महत्वपुर्ण हुनु पर्ने वताएका छन् ।
प्रहरी प्रवक्ता श्रेष्ठले माइमेलाको अवधिभरलाई शान्ती सुरक्षा व्यवस्थित गर्न नेपाल प्रहरी र सशस्त्र प्रहरीलाई तयारी राखिएको वताएका छन् । त्यस्तै अपराधिक गतिविधिको पहिचानकालागि सहज हुने उद्येश्यका साथ मेला क्षेत्रको विभिन्न स्थानमा १० वटा सिसी क्यामरा जडान गरिएको प्रहरी प्रवक्ता श्रेष्ठले जानकारी दिएका छन् । माइमेलामा आउँने भक्तजनलाई कनकाई धाम धार्मिक विकास संस्था र कनकाई सामुदायिक वनले आगो ताप्ने व्यवस्था मिलाएको छ भने भक्तजनलाई धुलोवाट जोगाउँनकालागि वन समूहका तर्फवाट मेला क्षेत्रमा ट्याङ्रवाट पानी लगाइएको वन समूहका अध्यक्ष खेम ओलीले वताएका छन् ।
त्यस्तै मेला क्षेत्रको उद्घाटन अघि साथै समापनपछि पनि सरसफाईकालागि कनकाई महिला वातावरण संरक्षण समूहले सचेतना जगाएको समूहकी अध्यक्ष मान्ता खरेलले वताएकी छन् । मेला संचालनको समयमा भएका फोहोर मैलाहरुलाई आयोजकले व्यवस्थापन गर्नु पर्नेमा स्थानीयवासीले जोड दिएका छन् । धार्मिक तथा पर्यटकीय क्षेत्रका रुपमा समेत स्थापित कनकाई माईको कोटीहोम आसपासमा तीन दिन सम्म संचालन हुने माईमेलामा आउँने पर्यटकहरुलाई विशेष स्वागत तथा सम्मान गरीने आयोजक समिति अध्यक्ष ज्ञानेन्द्र चुडालले वताए । अध्यक्ष चुडालको सभापतित्वमा सम्पन्न उद्घाटन समारोहमा कनकाई नगरपालिकाका प्रवक्ता गोविन्द पौडेल, झापाका प्रहरी प्रवक्ता महेन्द्र श्रेष्ठ, कनकाई धाम धार्मिक विकास संस्थाका अध्यक्ष नवलकिशोर दत्त, जामुनवारी सामुदायिक वनका अध्यक्ष ख्यामराज सिटौला लगायतले माईमेलाको सफलताको शुभकामना व्यक्त गरेका छन् ।
